കട്ടപ്പനയിൽ ഇറച്ചിക്ക് വിലക്കുറച്ചു; വൻ തിരക്ക്

കട്ടപ്പന നഗരസഭ വക സ്റ്റാളിലാണ് ഇന്ന് മുതൽ ഇറച്ചി വില കുറച്ചു വിൽക്കാൻ പുതിയ കരാറുകരൻ തീരുമാനിച്ചത്. കഴിഞ്ഞ ദിവസം വരെ കട്ടപ്പനയിൽ ഒരു കിലോ ഇറച്ചിക്ക് 350 , എല്ലിന് 230 എന്നിങ്ങനെയായിരുന്നു വില. പുതിയതായി സ്റ്റാൾ ലേലം പിടിച്ച നടത്തിപ്പുകാർ ഇറച്ചിക്ക് 300, എല്ലിന് 200 ആയി വില കുറക്കുകയായിരുന്നു.

വിവരം അറിഞ്ഞ് ഇറച്ചി വാങ്ങാൻ പല സ്ഥലത്തു നിന്നുമുള്ളവരുടെ വൻ തിരക്കാണ് കട്ടപ്പനയിൽ. മുണ്ടക്കയത്ത് 380, തൊടുപുഴ 400. തൂക്കുപാലം 350 തുടങ്ങി ഹൈറേഞ്ചിലെ എല്ലാ സ്ഥലത്തും ഇറച്ചിക് വില കൂട്ടി വിൽക്കുമ്പോഴാണ് കട്ടപ്പനയിൽ കിലോക്ക് 50 രൂപാ കുറച്ചു വിൽപ്പന നടത്തുന്നത്.
രാവിലെ 6.30 മുതൽ സ്റ്റാൾ തുറന്ന് പ്രവർത്തനം ആരംഭിക്കും.
വില കുറച്ചതോടെ വൻ തിരക്കാണ് അനുഭവപ്പെടുന്നത്.