സർവീസിൽ നിന്ന് വിരമിക്കുന്ന കട്ടപ്പന ഉപജില്ല ഓഫീസർ പി. ജെ സേവ്യറിന് യാത്രയയപ്പ് നൽകി

സുദീർഘമായ 32 വർഷത്തെ സേവനത്തിന് ശേഷം മാർച്ച് 31 ന് സർവീസിൽ നിന്ന് വിരമിക്കുന്ന കട്ടപ്പന ഉപജില്ലാ വിദ്യഭ്യാസ ഓഫീസർ പി.ജെ സേവ്യറിന് യാത്രയയപ്പ് നൽകി. ഇടുക്കി രൂപത വിദ്യാഭ്യാസ സെക്രട്ടറി ഫാദർ ജോർജ് തകടിയേൽ സമ്മേളനം ഉദ്ഘാടനം ചെയ്തു. കഴിഞ്ഞ ഒരു വർഷമായി കട്ടപ്പന സബ് ജില്ലക്ക് കിഴിൽ ഉള്ള 50 സ്കൂളുകളുടെ ചുമതല വഹിക്കുന്ന സേവ്യർ സാർ മാതൃകയാണന്ന് ഫാദർ ജോർജ് തകടിയേൽ പറഞ്ഞു.

തുടർന്ന് ഉപഹാരങ്ങൾ കൈമാറി. നഗരസഭ വൈസ് ചെയർമാൻ അഡ്വ: കെ.ജെ ബെന്നി അദ്ധ്യക്ഷതവഹിച്ചു. മുൻ കട്ടപ്പന DEO പി.കെ മണികണ്ടൻ, ഫാദർ ജോൺ പൊരുന്നോലി, ജോസഫ് മാത്യൂ , എം റ്റി തോമസ് തുടങ്ങിയവർ സംസാരിച്ചു. തുടർന്ന് കുട്ടികളുടെയും കലാ പരിപാടികളും നടന്നു.