ആമപ്പാറ ജാലകം ഇക്കോപാര്‍ക്ക് ഉദ്ഘാടനം 14ന്
ആമപ്പാറ ജാലകം ഇക്കോപാര്‍ക്ക് ഉദ്ഘാടനം 14ന്
ആമപ്പാറ ജാലകം ഇക്കോപാര്‍ക്ക് പ്രവര്‍ത്തനോദ്ഘാടനം 14ന് പൊതുമരാമത്ത്, ടൂറിസം വകുപ്പ് മന്ത്രി പി. എ മുഹമ്മദ് റിയാസ് നിര്‍വഹിക്കും. തോവാളപ്പടി കമ്മ്യൂണിറ്റി ഹാളില്‍ വൈകിട്ട് നാല് മണിക്ക് സംഘടിപ്പിക്കുന്ന പരിപാടിയില്‍ എം.എം മണി എംഎല്‍എ അധ്യക്ഷത വഹിക്കും.
പ്രദേശത്തിന്റെ ടൂറിസം സാധ്യത മനസ്സിലാക്കിയ എം.എല്‍.എ 2019 ലും 2021 ലും രണ്ടുഘട്ടങ്ങളിലായി അനുവദിച്ച 3 കോടി 16 ലക്ഷം രൂപ ഉപയോഗിച്ച് ഡി.റ്റി. പി.സി. യുടെ നേതൃത്വത്തിലാണ് നിര്‍മാണം പൂര്‍ത്തിയാക്കിയത്. വാച്ച് ടവര്‍, ശുചിമുറി സമുച്ചയം, സംരക്ഷണ ഭിത്തി, സ്റ്റീല്‍ വേലി, അലങ്കാര ലൈറ്റുകള്‍, മാര്‍ബിള്‍ ഇരിപ്പിടങ്ങള്‍ എന്നിവയടക്കമുള്ള നിര്‍മാണം പൂര്‍ത്തിയാക്കിയത് സംസ്ഥ സര്‍ക്കാര്‍ സ്ഥാപനമായ തൃശൂരിലെ സില്‍ക്കാണ്.
ഉദ്ഘാടന പരിപാടിയില്‍ ഡീന്‍ കുര്യാക്കോസ് എം പി മുഖ്യപ്രഭാഷണം നടത്തും. ജില്ലാ പഞ്ചായത്ത് പ്രസിഡന്റ് കെ. ടി ബിനു, ജില്ലാ ആസൂത്രണ സമിതി ഉപാധ്യക്ഷന്‍ സി.വി വര്‍ഗീസ്, നെടുങ്കണ്ടം ബ്ലോക്ക് പഞ്ചായത്ത് പ്രസിഡന്റ് കെ. റ്റി കുഞ്ഞ്, നെടുങ്കണ്ടം ഗ്രാമപഞ്ചായത്ത് പ്രസിഡന്റ് ലേഖ ത്യാഗരാജന്‍ എന്നിവര്‍ മുഖ്യാതിഥികളാവും. ജില്ലാ കളക്ടര്‍ ഷീബാ ജോര്‍ജ്, വിനോദസഞ്ചാര വകുപ്പ് സെക്രട്ടറി ബിജു.കെ, വിനോദസഞ്ചാര വകുപ്പ് ഡയറക്ടര്‍ പി. ബി നൂഹ്, ഗ്രാമപഞ്ചായത്ത് അംഗങ്ങള്‍, വകുപ്പ് ജീവനക്കാര്‍, വിവിധ രാഷ്ട്രീയ സാമൂഹിക പ്രതിനിധികള്‍ തുടങ്ങിയവര്‍ പങ്കെടുക്കും.
