കാട്ടുപോത്തുകൾ കൂട്ടത്തോടെ ജനവാസ മേഖലയിൽ;വൻ കൃഷി നാശം. ഇടുക്കി ജില്ലയിലെ കാന്തല്ലൂർ, കീഴാന്തൂർ, കാരയൂർ എന്നിവിടങ്ങളിലാണ് കാട്ടുപോത്തിറങ്ങിയത്

ഇടുക്കി: കാട്ടുപോത്തുകൾ കൂട്ടത്തോടെ ജനവാസ മേഖലയിൽ ഇറങ്ങി. ഇടുക്കി ജില്ലയിലെ കാന്തല്ലൂർ, കീഴാന്തൂർ, കാരയൂർ എന്നിവിടങ്ങളിലാണ് കാട്ടുപോത്തിറങ്ങിയത്. കാട്ടുപോത്തിൻ്റെ കുഞ്ഞുങ്ങൾ അടങ്ങിയ കൂട്ടമാണ് കൃഷിയിടത്തിൽ തമ്പടിച്ചത്.

കാട്ടുപോത്തുകൾ പലയിടങ്ങളിലും വ്യാപകമായ കൃഷിനാശം ഉണ്ടാക്കി. വനം വകുപ്പിന്റെ നേതൃത്വത്തിൽ കാട്ടുപോത്തുകളെ കാട് കയറ്റാനുള്ള ശ്രമം തുടരുകയാണ്.

കാട്ടുപോത്തുകളുടെ ശല്യത്തിനെതിരെ നാട്ടുകാർ പരാതിയുമായി രം​ഗത്ത് എത്തിയിട്ടുണ്ട്. പഞ്ചായത്തിന്റെയും നാട്ടുകാരുടെയും സഹായത്തോടെയാണ് കാട്ടുപോത്തുകളെ ഇവിടെ തുരത്തുന്നത്.