ഭക്തിസാന്ദ്രമായി വാഗമൺ കുരിശുമല കയറ്റം

വാഗമൺ കുരിശുമലയിൽ 50 നോമ്പിലെ രണ്ടാമത്തെ വെള്ളിയാഴ്ചയായ ഫെബ്രുവരി 23-ാം തീയതി കുരിശിന്റെ വഴിക്ക് പാലാ രൂപതയിലെ പൂഞ്ഞാർ, മാവടി ഇടവകകൾ നേതൃത്വം നൽകി. മാവടി സെൻ്റ് സെബാസ്റ്റ്യൻ ഇടവക വികാരി ഫാ. ജോസഫ് വിളക്കുന്നേൽ കുരിശിൻ്റെ വഴിക്ക് നേതൃത്വം നൽകി. രാവിലെ 9 മണിക്ക് ആരംഭിച്ച ആഘോഷമായ കുരിശിൻ്റെ വഴി 10:15 ന് സമാപിച്ചു. രാവിലെ 10:30 ന് മലമുകളിൽ പൂഞ്ഞാർ സെൻ്റ് മേരീസ് ഫൊറോന പള്ളി വികാരി ഫാ. മാത്യു ക്യൂക്കുന്നേൽ വി. കുർബാന അർപ്പിച്ച് വചന സന്ദേശം നൽകി. വാഗമൺ പള്ളി വികാരി ഫാ. ആൻ്റണി വാഴയിൽ , ഫാ. റോണി മണിയാക്കുപാറ CMF എന്നിവർ സന്നിഹിതരായിരുന്നു