Idukki വാര്‍ത്തകള്‍കേരള ന്യൂസ്പ്രധാന വാര്‍ത്തകള്‍പ്രാദേശിക വാർത്തകൾ
കാട്ടാനഭീതിയില്‍ ഇടുക്കി ചിന്നക്കനാല്‍, ബിഎല്‍റാം നിവാസികള്‍
നാലു മാസക്കാലമായി ബിഎല്‍റാം മേഖലയില്‍ തമ്ബടിച്ചിരിക്കുന്ന കാട്ടാനക്കൂട്ടം ഏക്കർ കണക്കിന് കൃഷി നശിപ്പിച്ചു.വന്യമൃഗശല്യത്താല്‍ പ്രദേശവാസികളുടെ ജീവിതം വഴിമുട്ടിയിരിക്കുകയാണ്. ഭീതിയോടെയാണ് ഓരോ ദിവസവും കഴിയുന്നത്.
ആഴ്ചകള്‍ക്ക് മുൻപാണ് ബിഎല്‍റാമില്‍ കാട്ടാന ആക്രമണത്തില്‍ ഒരാള്‍ കൊല്ലപ്പെട്ടത്. അരിക്കൊമ്ബനെ ചിന്നക്കനാല്‍ മേഖലയില്‍നിന്നു നീക്കംചെയ്‌തിട്ട് ഒന്പതു മാസം പിന്നിടുമ്ബോഴും ചിന്നക്കനാല്‍, ബിഎല്‍റാം നിവാസികളുടെ ആശങ്ക ഒഴിയുന്നില്ല.
കൃഷിയിടങ്ങളില്‍ ഇറങ്ങി കാർഷിക ജോലികള്‍ ചെയ്യാനോ വിളവെടുക്കാനോ സാധിക്കുന്നില്ലെന്ന് കർഷകർ പറയുന്നു. അരിക്കൊമ്ബനെ നീക്കംചെയ്യുന്നത് കണ്ടു ഭയന്ന കാട്ടാനക്കൂട്ടങ്ങള്‍ ബിഎല്‍റാമിലെ കൃഷിയിടത്തില്‍നിന്നു ചിന്നക്കനാലിലെ പുല്‍മേടുകളിലേക്ക് തിരികെപ്പോകാൻ മടിക്കുന്നതായും പ്രദേശവാസികള്‍ പറയുന്നു.
