തൊടുപുഴ
തുമ്പിച്ചിയിൽ കാർ കൊക്കയിലേക്ക് മറിഞ്ഞ് ഒരാൾക്ക് പരിക്ക്.
മൂലമറ്റം : തുമ്പിച്ചിയിൽ കാർ കൊക്കയിലേക്ക് മറിഞ്ഞ് ഒരാൾക്ക് പരിക്ക്. പാമ്പാടുംപാറ വലിയപറമ്പിൽ കെ.തോമസിനാണ് (81) പരിക്കേറ്റത്. കാർ ഓടിച്ചിരുന്ന മകൻ ബിനു പരിക്കേൽക്കാതെ രക്ഷപ്പെട്ടു.
പാമ്പാടുംപാറയിൽനിന്ന് കൊച്ചിക്കുള്ള യാത്രയിൽ ഇവരുടെ വണ്ടി തുമ്പിച്ചിക്ക് താഴെവച്ച് നൂറടി താഴ്ചയിലേക്ക് നിയന്ത്രണംവിട്ട് മറിയുകയായിരുന്നു.
സ്ഥലത്തെത്തിയ കുളമാവ് പോലീസും നാട്ടുകാരും അതുവഴി വാഹനത്തിൽ വന്നവരും ചേർന്ന് തോമസിനെ റോഡിൽ എത്തിച്ചു. തുടർന്ന് തൊടുപുഴയിൽ ആശുപത്രിയിൽ പ്രവേശിപ്പിച്ചു.
