തൊടുപുഴയിൽ ഗവർണർ പങ്കെടുക്കുന്ന പരിപാടി നാളെ

             തൊടുപുഴയിൽ ഗവർണർ പങ്കെടുക്കുന്ന പരിപാടിയിൽ നിന്ന് പിന്നോട്ടില്ലെന്ന് വ്യാപാരി വ്യവസായി ഏകോപന സമിതി ജില്ല പ്രസിഡന്റ് സണ്ണി പൈമ്പള്ളിൽ. പരമാവധി പ്രവർത്തകരെ ഇന്ന് തന്നെ തൊടുപുഴയിൽ എത്തിക്കുമെന്നും പൊലീസിനോട് സുരക്ഷ ആവശ്യപ്പെട്ടുവെന്നും സണ്ണി പൈമ്പള്ളിൽ പറഞ്ഞു. കാൽനടയായി എത്തുന്ന പ്രവർത്തകരെ തടഞ്ഞാൽ അംഗീകരിക്കില്ലെന്നും ജില്ല പ്രസിഡന്റ് വ്യക്തമാക്കി. ഭൂപതിവ് ഭേദഗതി ബില്ലിൽ ഒപ്പിടാത്തത് ഗവർണറുടെ വീഴ്ചയല്ല. ഗവർണർ ആവശ്യപ്പെട്ട വിശദീകരണം സർക്കാർ നൽകിയില്ല. കടകൾ അടച്ചിട്ട് ഹർത്താലിനോട് സഹകരിക്കുമെന്നും അദ്ദേഹം വിശദമാക്കി. വ്യാപാരി വ്യവസായി ഏകോപനസമിതിയുടെ പരിപാടിക്കാണ് ഗവർണർ തൊടുപുഴയിലെത്തുന്നത്.