എം.ബി.സി എൻജിനീയറിങ് കോളേജിന്റെ പൂർവ വിദ്യാർത്ഥി സംഗമം തിരുവല്ലയിൽ നടന്നു
പീരുമേട്: മാർ ബസേലിയോസ് എൻജിനീയറിങ് കോളേജിന്റെ പൂർവ വിദ്യാർത്ഥി സംഗമം തിരുവല്ലയിൽ നടന്നു. അലുമിനി അസോസിയേഷൻ ട്രഷറർ നികിത് കെ സക്കറിയുടെ അധ്യക്ഷതത്തിൽ ചേർന്ന യോഗം അലുമിനി അസോസിയേഷൻ പ്രസിഡന്റ്‌ നോബിൻ ഐപ്പ് ഉദ്ഘാടനം ചെയ്തു. കോളേജിന്റെ ഉയർച്ചയ്ക്കായി അലുമിനി അസോസിയേഷനു നിരവധി കാര്യങ്ങൾ ചെയ്യാൻ സാധിക്കുമെന്ന് അദ്ദേഹം അഭിപ്രായപ്പെട്ടു.
പൂർവവിദ്യാർത്ഥികളുടെ സൗകര്യാർത്ഥം പൂർവ വിദ്യാർത്ഥി സംഗമങ്ങൾ പലയിടങ്ങളിലായി നടത്തുന്നതിന്റെ പ്രാധാന്യത്തെ പറ്റി അദ്ദേഹം സൂചിപ്പിച്ചു. അത്തരത്തിൽ മീറ്റിങ്ങുകൾ കൊച്ചിയിലും തിരുവനന്തപുരത്തും ക്രമീകരിക്കുവാൻ യോഗം തീരുമാനിച്ചു. കോളേജിലെ ഇലക്ട്രിക്കൽ വിഭാഗം മേധാവി പ്രൊഫ്‌. റെസ്‌മാര എസ്, പ്രൊഫ്‌. ഫിനി ഫാത്തിമ,പ്രൊഫ്‌. മിന്നു മറിയം, പ്രൊഫ്‌.ശ്യാമോൾ എസ്, നവീൻ വി ജോസ്, അരുൺ ബാബു, വിന്നി കോശി, റോണി ഫിലിപ്പ്, അഞ്ചു ബാബു, സെനു ജോർജ്, ടിനു കെ തോമസ്, എഫ്റേം വർക്കി, ആൽബിൻ തോമസ്, അലൻ മാണി എന്നിവർ പ്രസംഗിച്ചു.
