വലിയപാറയില്‍ ഭീതിപടര്‍ത്തി ട്രാന്‍സ്‌ഫോര്‍മര്‍
കട്ടപ്പന: വലിയപാറയില്‍ സ്ഥിതി ചെയ്യുന്ന 11 കെ.വി ട്രാന്‍സ്‌ഫോര്‍മര്‍ ഭീഷണിയാകുന്നു. ട്രാന്‍സ്‌ഫോര്‍മറില്‍ നിന്നും തീപ്പൊരി ചിതറുന്നത് പ്രദേശവാസികളെ ഭീതിപ്പെടുത്തുകയാണ്. നിരവധി വീടുകള്‍ക്കും പബ്ലിക്ക് ലൈബ്രറിക്കും സമീപത്താണ് ട്രാന്‍സ്‌ഫോര്‍മര്‍ സ്ഥിതി ചെയ്യുന്നത്. നിരവധി പ്രദേശങ്ങളിലെ ഇലക്ര്ടിക് പോസ്റ്റുകളിലേക്ക് വൈദ്യുതി വിതരണം നടക്കുന്നത് ഈ ട്രാന്‍സ്‌ഫോമറില്‍ നിന്നാണ്. എന്നാല്‍ ഇതില്‍ നിന്നുണ്ടാകുന്ന വൈദ്യുതി തീപ്പൊരികള്‍ പ്രദേശവാസികള്‍ക്ക് ഭീക്ഷണിയാവുകയാണ്.
ട്രാന്‍സ്‌ഫോര്‍മര്‍ വേലി കെട്ടി സംരക്ഷിക്കാത്തതും പിന്‍ഭാഗത്ത് നിന്ന് മണ്ണെടുത്ത് മാറ്റാത്തതും അപകട സാധ്യത കൂടുതല്‍ വര്‍ധിപ്പിക്കുന്നു. അന്‍പതോളം മീറ്റര്‍ ദൂരത്തില്‍വരെ തീപ്പൊരി തെറിക്കാറുണ്ട്. വിദ്യാര്‍ത്ഥികള്‍ ഉള്‍പ്പടെയുള്ളവര്‍ കടന്നുപോകുന്ന പാതയാണിത്. അധികൃതര്‍ എത്രയും വേഗം വിഷയത്തില്‍ ഇടപെട്ട്
പ്രശനപരിഹാരമുണ്ടാക്കണമെന്നാണ് നാട്ടുകാരുടെ ആവശ്യം.
