നാട്ടുവാര്‍ത്തകള്‍
കഞ്ചാവുമായി രണ്ട് പേര്‍ പിടിയില്‍
കുമളി: തമിഴ്‌നാട്ടില്‍ നിന്നും പച്ചക്കറിയുമായെത്തിയ വാഹനത്തില്‍ നിന്നും മൂന്നുകിലോ 200 ഗ്രാം കഞ്ചാവ് പിടികൂടി. സംഭവവുമായി ബന്ധപെട്ട് കോട്ടയം മീനച്ചില്‍ ഏലൂര്‍ വീട്ടില്‍ ശ്രീജിത്ത് (23) കിടങ്ങൂര്‍ കീച്ചേരി കുന്നില്‍ വീട്ടില്‍ സതീഷ് (33) എന്നിവരെ അറസ്റ്റ് ചെയ്തു. പുലര്‍ച്ചെ അതിര്‍ത്തി ചെക്കപോസ്റ്റില്‍ എക്‌സൈസ് സംഘം നടത്തിയ വാഹന പരിശോധനയിലാണ് പച്ചക്കറികള്‍ക്കിടയില്‍ കഞ്ചാവ് ഒളിപ്പിച്ചിരുന്നത് കണ്ടത്തിയത്.
കമ്പത്തു നിന്നുമാണ് കഞ്ചാവ് വാങ്ങിയതെന്നാണ് മൊഴി. എക്‌സൈസ് ഇന്‍സ്‌പെക്ടര്‍ വി.ജെ.റോയിയുടെ നേതൃത്വത്തില്‍ പ്രിവന്റീവ് ഓഫീസര്‍മാരായ ബന്നി ജോസ്, വി.രവി, പി.ഡി.സേവ്യര്‍, രാജ്കുമാര്‍, സജിമോന്‍ തുണ്ടത്തില്‍, സി.ഇ.ഒ മാരായ ടി.എ.അനിഷ്, ടി.ഷൈന്‍ എന്നിവര്‍ ചേര്‍ന്നാണ് വാഹന പരിശോധന നടത്തിയത്.
