കട്ടപ്പന സെന്റ് ജോർജ് എൽ പി സ്കൂളിന് വാട്ടർ പ്യൂരിഫയെർ നൽകി സൗത്ത് ഇന്ത്യൻ ബാങ്ക് എംപ്ലോയിസ് അസോസിയേഷൻ
ഇന്ന് കുട്ടികളിൽ കാണപ്പെടുന്ന രോഗമാണ് മൂത്രത്തിൽ പഴുപ്പ് എന്നത് . കുടിവെള്ളത്തിന്റെ ഉപയോഗം കുറഞ്ഞതാണ് രോഗങ്ങൾക്ക് കാരണമാകുന്നത്. ശുദ്ധമായ കുടിവെള്ളം കുട്ടികൾക്ക് പഠനത്തോടൊപ്പം നൽകുക എന്ന ലക്ഷ്യത്തോടെയാണ് സൗത്ത് ഇന്ത്യൻ ബാങ്ക് എംപ്ലോയീസ് അസോസിയേഷൻ കട്ടപ്പന സെൻറ് ജോർജ് എൽ പി സ്കൂളിന് വാട്ടർ പ്യൂരിഫയെർ വാങ്ങി നൽകിയത്.
സൗത്ത് ഇന്ത്യൻ ബാങ്ക് എംപ്ലോയീസ് അസോസിയേഷൻ ഇടുക്കി മേഖല കൺവീനർ അജിൻ കെ ജോസഫ് , ജനറൽ കൗൺസിൽ അംഗങ്ങളായ ഡെന്നീസ് സെബാസ്റ്റ്യൻ, നോബിൻ മാത്യു എന്നിവർ ചേർന്ന് സ്കൂൾ മാനേജർ ഫാദർ ജോസ് മാത്യു പാറപ്പള്ളിലിന് വാട്ടർ പ്യൂരിഫയെർ കൈമാറി.
ഹെഡ് മാസ്റ്റർ ദീപു ജേക്കബ്, പി.റ്റി .എ പ്രസിഡന്റ് ജെയ്ബി ജോസഫ് എന്നിവർ സംസാരിച്ചു.
സൗത്ത് ഇന്ത്യൻ ബാങ്ക് എംപ്ലോയീസ് അസോസിയേഷൻ പ്രസിഡണ്ട് സജോ ജോസ് ,ജനറൽ സെക്രട്ടറി കെ.എൽ അൻസിൽ എന്നിവരാണ് ചാരിറ്റി പ്രവർത്തനങ്ങൾക്ക് നേതൃത്വം നൽകുന്നത്.
