ആൾതാമസമില്ലാത്ത വീട്ടിൽനിന്നും മോഷണം; മാസങ്ങൾ നീണ്ട അന്വേഷണത്തിനൊടുവിൽ പ്രതിയെ ഉപ്പുതറ പോലീസ് പിടികൂടി

ആൾതാമസമില്ലാത്ത വീട്ടിൽനിന്നു മോട്ടോർ, പാചക വാതക സിലിണ്ടർ തുടങ്ങിയവ മോഷ്ടിച്ചയാളെ പോലീസ് അറസ്റ്റ് ചെയ്‌തു. ചിന്നാർ നാലാംമൈൽ പുളിക്കൽ യൂസഫിനെ (52) യാണ് ഉപ്പുതറ എസ്ഐ കെ.ഐ. നസീർ അറസ്റ്റ് ചെയ്‌തത്. കൈതപ്പതാലിലെ വീട്ടിൽനിന്നാണ് കഴിഞ്ഞ മാർച്ച് 15 നും ഏപ്രിൽ 10 നുമിടയിൽ മോഷണം നടന്നത്. മാസങ്ങൾ നീണ്ട അന്വേഷണത്തിനു ശേഷമാണ് പ്രതിയെ പിടികൂടിയത്.

ക്ഷേത്രങ്ങളിലേതുൾപ്പെടെ അടുത്ത നാളിൽ സമീപ പ്രദേശങ്ങളിൽ നടന്ന മോഷണവുമായി ഇയാൾക്ക് ബന്ധമുണ്ടോയെന്ന് പോലീസ് അന്വേഷിക്കുന്നുണ്ട്. വില്പന നടത്തിയ മോഷണ വസ്തു‌ക്കൾ പോലീസ് കണ്ടെടുത്തു.

എസ്ഐ സജി അലക്‌സ്, സിപിഒമാരായ ആൻ്റണി സെബാസ്റ്റ്യൻ, കെ.വി. അജേഷ്, ഷമീർ ഉമ്മർ, ജിജോ വിജയൻ എന്നിവരും അന്വേഷണ സംഘത്തിലുണ്ടായിരുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്‌തു.