സാംബൊ താരം ഹരീഷ് വിജയനെ അനുമോദിച്ചു

റോട്ടറി ക്ലബ്‌ ഓഫ് കട്ടപ്പന അപ്ടൗൺ അന്താരാഷ്ട്ര സാംബൊ താരം ഹരീഷ് വിജയനെ മൊമെന്റോയും ക്യാഷ് അവാർഡും നൽകി അനുമോദിച്ചു. കട്ടപ്പന സ്വദേശിയായ ഹരീഷ് ഈ മാസം ബംഗ്ലാദേശിലെ ധാക്കയിൽ വച്ചു നടന്ന അന്താരാഷ്ട്ര സാംബൊ
ടൂർണമെന്റിൽ ഇന്ത്യയെ പ്രതിനിധീകരിച്ച് പങ്കെടുക്കുകയും സ്വർണമെഡൽ നേടുകയും ചെയ്തിരുന്നു. കട്ടപ്പന 20 ഏക്കർ സ്വദേശികളായ സൂര്യൻ കുന്നേൽ വിജയൻ – ഉഷ ദമ്പതികളുടെ മകനാണ് 28 കാരനായ ഹരീഷ്.

റോട്ടറി ഹാളിൽ നടന്ന അനുമോദന ചടങ്ങിൽ ക്ലബ് പ്രസിഡന്റ്‌ അഭിലാഷ് A S മൊമെന്റോ സമ്മാനിച്ചു. ക്ലബ്‌ സെക്രട്ടറി മനോജ്‌ അഗസ്റ്റിൻ പൊന്നാട അണിയിച്ചു. GGR ഷിബി ഫിലിപ്പ് ക്യാഷ് അവാർഡ് നൽകി. റോട്ടറി ഡിസ്ട്രിക്ട് കോ ഓർഡിനേറ്റർ രാജേഷ് നാരായണൻ IPP വിനീഷ്കുമാർ, കാഞ്ചിയാർ ഗ്രാമ പഞ്ചായത്ത്‌ പ്രസിഡന്റ്‌ കൂടിയായ റോട്ടറി അംഗം സുരേഷ് കുഴിക്കാട്ട് തുടങ്ങിയവർ സംസാരിച്ചു.