കട്ടപ്പന വള്ളക്കടവ് ഗുരുദർശന കുടുംബയോഗവും ആരോഗ്യ ബോധവൽക്കരണ ക്ലാസ് നടന്നു

എസ്എൻഡിപി യോഗം ബ്രാഞ്ച് നമ്പർ 1236 കട്ടപ്പന വള്ളക്കടവ് ഗുരുദർശന കുടുംബയോഗവും ആരോഗ്യ ബോധവൽക്കരണ ക്ലാസും ബംഗ്ലാദേശ് ദാക്കയിൽ നടന്ന അന്താരാഷ്ട്ര സാംബോ ചാമ്പ്യൻഷിപ്പിൽ ഇന്ത്യക്കുവേണ്ടി സ്വർണ്ണമെഡൽ കരസ്ഥമാക്കിയ ഹരീഷ് വിജയൻ സൂര്യൻ കുന്നേലിനുള്ള സ്വീകരണവുമാണ് വള്ളക്കടവ് ശ്രീനാരായണ സിദ്ധാന്ത ദജന മന്ദിരത്തിൽ നടന്നത്.

യോഗത്തിൽ ശാഖാ യോഗം പ്രസിഡണ്ട് സന്തോഷ് ചാളനാട്ട് അധ്യക്ഷനായിരുന്നു. കട്ടപ്പന സെന്റ് ജോൺസ് ഹോസ്പിറ്റലിലെ ഡോക്ടർ അനിൽ പ്രദീപ് ആരോഗ്യ ബോധവൽക്കരണ ക്ലാസ് നയിച്ചു.

നഗരസഭ കൗൺസിലർ സജിമോൾ ഷാജി കറ്റു വീട്ടിൽ, കുടുംബയോഗം ചെയർമാൻ സി .എൻ സാബു ചെറുകര കണ്ടത്തിൽ, ഭജന മന്ദിരം പ്രസിഡണ്ട് കെ. സി രാജു കാര്യമറ്റം, വനിതാ സംഘം മേഖല കമ്മിറ്റി അംഗം ശോഭന സോമൻ കവറുമുണ്ടയിൽ, യൂത്ത് മൂവ്മെൻറ് സെക്രട്ടറി അമൽ ഷാജി കറ്റുവീട്ടിൽ, ശാഖായോഗം മാനേജിംഗ് കമ്മിറ്റിയംഗം
കെ കെ ദാസ് കറ്റുവീട്ടിൽ തുടങ്ങിയവർ സംസാരിച്ചു