ടി ഡി ജോസിന് യാത്രയയപ്പ് നൽകുന്നു

കട്ടപ്പന : നാലു പതിറ്റാണ്ടു കാലത്തെ തപാൽ സർവീസിന് ശേഷം കഴിഞ്ഞ ഒക്ടോബർ 31 നു വിരമിച്ച തൊടുപുഴ പോസ്റ്റ്‌ മാസ്റ്ററും ദീർഘകാലം NFPE പ്രസ്ഥാനത്തെ ജില്ലാതലത്തിലും സംസ്ഥാനതലത്തിലും നയിച്ച എൻ എഫ് പി ഇ നേതാവുമായിരുന്ന ടി ഡി ജോസിന് വർഗ ബഹുജന സംഘടനകളുടെ നേതൃത്വത്തിൽ യാത്രയയപ്പ് നൽകും. നവംബർ 5 ഞായർ രാവിലെ 10.30 നു കട്ടപ്പന സി എസ് ഐ ഓഡിറ്റോറിയത്തിൽ നടക്കുന്ന സമ്മേളനം കർഷക സംഘം സംസ്‌ഥാന കമ്മിറ്റി അംഗം സി വി വർഗീസ് ഉത്ഘാടനം ചെയ്യും. യാത്രയയപ്പ് കമ്മിറ്റി ചെയർമാൻ ജി സുനിൽ അധ്യക്ഷനാകും.എൻ എഫ് പി ഇ സംസ്ഥാന പ്രസിഡന്റ്‌ മാത്യൂസ് മാത്യു ടി മുഖ്യപ്രഭാഷണം നടത്തുന്ന യോഗത്തിൽ വിവിധ വർഗ ബഹുജന സംഘടനകളുടെ നേതാക്കൾ ആശംസകൾ നൽകും