കട്ടപ്പന ബ്ലോക്ക് പഞ്ചായത്ത് കേരളോത്സവം 28, 29 തീയതികളിൽ
കട്ടപ്പന ബ്ലോക്ക് പഞ്ചായത്ത് കേരളോത്സവം 28, 29 തീയതികളില്‍ നടക്കും. 28ന് രാവിലെ ഒന്‍പതിന് ലബ്ബക്കട ജെ.പി.എം. കോളജ് ഓഡിറ്റോറിയത്തില്‍ ചേരുന്ന യോഗത്തില്‍ വാഴൂര്‍ സോമന്‍ എം.എല്‍.എ. ഉദ്ഘാടനം ചെയ്യും. ബ്ലോക്ക് പഞ്ചായത്ത് പ്രസിഡന്റ് എം.ടി. മനോജ് അധ്യക്ഷത വഹിക്കും. കാഞ്ചിയാര്‍ പഞ്ചായത്ത് പ്രസിഡന്റ് സുരേഷ് കുഴിക്കാട്ടില്‍, ബ്ലോക്ക് പഞ്ചായത്ത് വൈസ് പ്രസിഡന്റ് കുസുമം സതീഷ് തുടങ്ങിയവര്‍ പ്രസംഗിക്കും.
അന്നേ ദിവസം മേരികുളം സെന്റ് മേരീസ് എച്ച്.എസ്.എസില്‍ അത്‌ലറ്റിക് മത്സരങ്ങളുടെ ഉദ്ഘാടനം ജില്ലാ പഞ്ചായത്ത് വൈസ് പ്രസിഡന്റ് ആശ ആന്റണി നിര്‍വഹിക്കും. അയ്യപ്പന്‍കോവില്‍ പഞ്ചായത്ത് പ്രസിഡന്റ് ജെയ്‌മോള്‍ ജോണ്‍സണ്‍ അധ്യക്ഷത വഹിക്കും.
29ന് സയണ്‍ പബ്ലിക് സ്‌കൂളില്‍ ഗെയിംസ് മത്സരങ്ങളുടെ ഉദ്ഘാടനം കട്ടപ്പന ബ്ലോക്ക് പഞ്ചായത്ത് സ്റ്റാന്റിങ് കമ്മിറ്റി ചെയര്‍മാന്‍ ലാലച്ചന്‍ വെള്ളക്കട ഉദ്ഘാടനം ചെയ്യും. വൈകിട്ട് അഞ്ചിന് മേരികുളം സെന്റ് മേരീസ് എച്ച്.എസ്.എസില്‍ നടക്കുന്ന സമാപന സമ്മേളനം ജില്ലാ പഞ്ചായത്ത് പ്രസിഡന്റ് കെ.ടി ബിനു ഉദ്ഘാടനം ചെയ്യും. കട്ടപ്പന ബ്ലോക്ക് പഞ്ചായത്ത് പ്രസിഡന്റ് എം.ടി. മനോജ് അധ്യക്ഷത വഹിക്കും. മത്സരങ്ങളില്‍ വിജയികളാകുന്നവര്‍ക്ക് ജില്ലാ തല കേരളോത്സവത്തില്‍ പങ്കെടുക്കാന്‍ അവസരം ലഭിക്കുമെന്ന് സംഘാടക സമിതിക്ക് വേണ്ടി ബ്ലോക്് പഞ്ചായത്ത് പ്രസിഡന്റ് എം.ടി മനോജ്, വൈസ് പ്രസിഡന്റ് കുസുമം സതീഷ്, സെക്രട്ടറി പി.ആര്‍. ബേബി രജനി, സ്റ്റാന്റിങ് കമ്മിറ്റി ചെയര്‍പേഴ്‌സണ്‍ സവിതാ ബിനു, വി.പി. ജോണ്‍, കെ.ജെ. സിബി, ആര്‍ട്‌സ് കോര്‍ഡിനേറ്റര്‍ എസ്. സൂര്യലാല്‍, മീഡിയാ കോര്‍ഡിനേറ്റര്‍ ജെയ്ബി ജോസഫ് എന്നിവര്‍ പറഞ്ഞു.
