നൂറുൽ ഹബീബ് മീലാദ് കോൺഫറൻസ് 22 ന് കട്ടപ്പനയിൽ
സ്വരാജില്‍ പ്രവര്‍ത്തിക്കുന്ന അല്‍ ഫൗസ് അക്കാദമിയുടെ കീഴില്‍ വിവിധ സ്വാന്ത്വന പദ്ധതികളോടെ സംഘടിപ്പിക്കന്ന നുറൂള്‍ ഹബീബ് മിലാദ് കോണ്‍ഫറന്‍സ് 22ന് വൈകിട്ട് 6.30 മുതല്‍ വെള്ളയാംകുടി സ്‌കൈ റോക്ക് ഇന്‍ ഓഡിറ്റോറിയത്തില്‍ നടക്കും. അല്‍ ഫൗസ് ചെയര്‍മാന്‍ കെ.എം. സുബൈര്‍ അഹ്‌സനി അധ്യക്ഷത വഹിക്കും. അഡ്വ. ഡീന്‍ കുര്യാക്കോസ് എം.പി. ഉദ്ഘാടനം ചെയ്യും. സയിദ് സഹില്‍ കോയ അംജദി അല്‍ ഐദറൂസി പ്രാരംഭ പ്രാര്‍ഥന നിര്‍വഹിക്കും.
മെഡിക്കല്‍ കാര്‍ഡ് കൈമാര്‌റം നഗരസഭാ വൈസ് ചെയര്‍മാന്‍ ജോയി ആനിത്തോട്ടവും, വീല്‍ ചെയര്‍ വിതരണം ടൗണ്‍ വ്യാപാരി വ്യവസായി ഏകോപന സമിതി ജന. സെക്രട്ടറി കെ.പി. ഹസനും നിര്‍വഹിക്കും. സ്വയം തൊഴില്‍ പദ്ധതിയുടെ ഉദ്ഘാടനം കട്ടപ്പന പ്രസ് ക്ലബ് പ്രസിഡന്റ് ജെയ്ബി ജോസഫ് നിര്‍വഹിക്കും.
തുടര്‍ന്ന് നടക്കുന്ന ആത്മീയ സമ്മേളത്തില്‍ ഉസ്താദ് സി.എം. മീരാന്‍ സഖാഫി നെല്ലിക്കുഴി മുഖ്യ പ്രഭാഷണം നടത്തും. വിവിധ മുസ്ലീം ജമാഅത്തുകളിലെ ഇമാമുമാരായ മുഹമ്മദ് റഫീഖ് അല്‍ഖാസിമി, അല്‍ ഹാഫിസ് ഖാസിമി, അസ്ഹര്‍ ബദ് രി, ഷമീര്‍ മൗലവി, റിയാസൂദീന്‍ മന്നാനി, അബ്ദുള്‍ അസീസ് അല്‍ ഖാസിമി തുടങ്ങിയവര്‍ പങ്കെടുക്കുമെന്ന് അല്‍ ഫൗസ് അക്കാദമി പ്രിന്‍സിപ്പല്‍ കെ.എസ്. അമീര്‍ സഖാഫി, വൈസ് ചെയര്‍മാന്‍ സിറാജുദീന്‍ സഖാഫി, നിഷാദ് സഖാഫി,
സുഹൈല്‍ അഷ്റഫി എന്നിവര്‍ പറഞ്ഞു.
