Idukki വാര്‍ത്തകള്‍കേരള ന്യൂസ്പ്രധാന വാര്‍ത്തകള്‍പ്രാദേശിക വാർത്തകൾ
66 കെവി ലൈന്‍ പൊട്ടി വീണു; ഇടുക്കി ജില്ലയിലെ ഭൂരിഭാഗം മേഖലയിലും രാത്രി വൈദ്യുതി മുടങ്ങി
ഇടുക്കി: 66 കെവി ലൈന്‍ പൊട്ടി വീണു. ഇടുക്കി ജില്ലയിലെ ഭൂരിഭാഗം മേഖലയിലും രാത്രി വൈദ്യുതി മുടങ്ങി.
തൊടുപുഴയ്ക്ക് സമീപം അഞ്ചിരിയില്‍ കെഎസ്‌ഇബിയുടെ നിയന്ത്രണത്തിലുള്ള 66 കെവി വൈദ്യുതി ടവറിലെ ലൈന്‍ പൊട്ടി വീണതിനെ തുടര്‍ന്നാണ് വൈദ്യുതി മുടങ്ങിയത്.രാത്രി 10 മണിയോടെയാണ് അപകടം നടന്നതെന്ന് വൈദ്യുതി വകുപ്പിലെ ഉദ്യോഗസ്ഥര്‍ അറിയിച്ചു.
ഇതോടെ ജില്ലയിലെ ഭൂരിഭാഗം മേഖലയിലും വൈദ്യുതി വിതരണം നിലച്ചു. പുലര്‍ച്ചെ രണ്ടു മണിയോടെ മാത്രമാണ് ഭാഗികമായി വൈദ്യുതി വിതരണം പുനസ്ഥാപിക്കാനായാത്.
കൂടാതെ ജില്ലയില്‍ അപ്രഖ്യാപിത വൈദ്യുതി നിയന്ത്രണവും ഏര്‍പ്പെടുത്തി. ജില്ലയില്‍ രാത്രി കനത്ത മഴയാണ് അനുഭവപ്പെട്ടത്. വൈദ്യുതിയും ഇല്ലാതായതോടെ പ്രദേശവാസികള്‍ ദുരിതത്തിലായി.
