എതിരെവന്ന കാറിൽ തട്ടിയശേഷം മറിഞ്ഞ് സ്കൂട്ടർ മറ്റൊരു കാറിനടിയിൽപ്പെട്ട് 2 യുവാക്കൾക്ക് പരുക്ക്

മാട്ടുക്കട്ട സ്വദേശി ജോയൽ, കട്ടപ്പന സ്വദേശി ജോമൽ എന്നിവർക്കാണ് പരുക്കേറ്റത്. സാരമായി പരുക്കേറ്റ ഇരുവരെയും കട്ടപ്പനയിലെ സ്വകാര്യ ആശുപത്രിയിൽ പ്രവേശിപ്പിച്ചു.
കട്ടപ്പന-പുളിയൻമല പാതയിൽ പാറക്കടവിനു സമീപം ഇന്ന് ഉച്ചകഴിഞ്ഞ് 2.20ഓടെ ആയിരുന്നു അപകടം. എതിരെ ദിശതെറ്റിയെത്തിയ കാറിന്റെ അരുകിൽ ഇടിച്ചശേഷമാണ് യുവാക്കൾ സഞ്ചരിച്ച ബൈക്ക് മറിഞ്ഞത്. ഈ കാറിനു പിന്നാലെയെത്തിയ മറ്റൊരു കാറിന് അടിയിലേക്കാണ് യുവാക്കളും ബൈക്കും വീണത്. ഇരുവരും കാറിനടിയിൽപ്പെട്ടു.