Idukki വാര്‍ത്തകള്‍കേരള ന്യൂസ്പ്രധാന വാര്‍ത്തകള്‍പ്രാദേശിക വാർത്തകൾ
കവയിത്രി സിന്ധു സൂര്യയെ ആദരിക്കലും പുസ്തക ചര്‍ച്ചയും നടത്തി
കട്ടപ്പന: 61ാമത്തെ പേജ് എന്ന കവിതാസമാഹാരത്തിന്റെ രചയിതാവ് സിന്ധു സൂര്യയെ ആദരിക്കലും പുസ്തക ചര്‍ച്ചയും അമ്പലക്കവല നാഷനല്‍ ലൈബ്രറിയില്‍ നടന്നു. ലൈബ്രറി പ്രസിഡന്റ് പി സി ഫിലിപ്പിന്റെ അധ്യക്ഷതയില്‍ ചേര്‍ന്ന യോഗം കട്ടപ്പന മുനിസിപ്പാലിറ്റി വിദ്യാഭ്യാസ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ ഐബിമോള്‍ രാജന്‍ ഉദ്ഘാടനം ചെയ്തു. അഡ്വ. വി എസ് ദീപു മുഖ്യപ്രഭാഷണം നടത്തി. കൗണ്‍സിലര്‍മാരായ മായ ബിജു, സോണിയ ജെയ്ബി, കവി പി ഡി രവികുമാര്‍ പ്രസംഗിച്ചു. ലൈബ്രറി സെക്രട്ടറി ടി ബി ശശി സ്വാഗതവും കലാ സാഹിത്യ സമിതി പ്രസിഡന്റ് തോമസ് ജോസഫ് നന്ദിയും പറഞ്ഞു.
