ഉടുമ്പന്‍ചോല എസ്‌റ്റേറ്റ് വര്‍ക്കേഴ്‌സ് യൂണിയന്‍ (എഐടിയൂസി) വാര്‍ഷിക യൂണിയന്‍ നടന്നു
നെടുങ്കണ്ടം : ഉടുമ്പന്‍ചോല എസ്‌റ്റേറ്റ് വര്‍ക്കേഴ്‌സ് യൂണിയന്‍ (എഐടിയൂസി) വാര്‍ഷിക യൂണിയന്‍ നടന്നു. പുളിയന്‍മല എം പി ശ്രീധരന്‍പിള്ള നഗറില്‍ (ശ്രീ ഭഗവതി വിലാസം ഓഡിറ്റോറിയം) നടന്ന 21-ാംമത് വാര്‍ഷിക സമ്മേളനം എഐടിയൂസി ജില്ല സെക്രട്ടറി പി മുത്തുപാണ്ടി ഉദ്ഘാടനം ചെയ്തു. എഐടിയൂസി ജില്ലാ അസിസ്റ്റന്‍ഡ് സെക്രട്ടറി സി കെ കൃഷ്ണകുട്ടി അദ്ധ്യക്ഷത വഹിച്ചു. സിപിഐ ഇടുക്കി ജില്ലാ സെക്രട്ടറി കെ സലിം കുമാര്‍ മുഖ്യപ്രഭാഷണം നടത്തി. രക്തസാക്ഷി പ്രമേയം പി വി ജോയിയും, അനുശോചന പ്രമേയം പി എം ആന്റണിയും അവതരിപ്പിച്ചു. സിപിഐ സംസ്ഥാന കൗണ്‍സില്‍ അംഗങ്ങളായ വി കെ ധനപാല്‍, ജോസ് ഫിലിപ്പ്, മണ്ഡലം സെക്രട്ടറിമാരായ വി ആര്‍ ശശി, കെ ജി ഓമനകുട്ടന്‍, ജി അയ്യപ്പന്‍, കെ ജി ജനാര്‍ദ്ധനന്‍, ശെല്‍വി ശേഖര്‍, സരസ്, വണ്ണക്കിളി തുടങ്ങിയവര്‍ സംസാരിച്ചു. തുടര്‍ന്ന് നടന്ന തിരഞ്ഞെടുപ്പില്‍
വി.ആര്‍ ശശി (പ്രസിഡന്റ് ), വി കെ ധനപാല്‍ (ജനറല്‍ സെക്രട്ടറി), സി കെ കൃഷ്ണന്‍കുട്ടി, സരസമണി, ജനാര്‍ദ്ധനന്‍ നായര്‍ (വൈസ് പ്രസിഡന്റമാര്‍) എം എസ് വിനോദന്‍, പി വി ജോസ്, കെ എന്‍ കുമാരന്‍ (അസി. സെക്രട്ടറിമാര്‍ ): വണ്ണക്കിളി ചിന്നത്തമ്പി ( ട്രഷറര്‍) എന്നിവര്‍ അടങ്ങുന്ന 34 അംഗ ജനറല്‍ കൗണ്‍സില്‍ കമ്മറ്റിയും അതില്‍ നിന്ന് 23 അംഗ എക്‌സിക്യൂട്ടിവ് കമ്മറ്റിയേയും തിരഞ്ഞെടുത്തു.
