കാനഡയിൽ ഉള്ള ഇന്ത്യൻ വിദ്യാർഥികളുടെ ആശങ്ക അകറ്റാൻ കേന്ദ്രസർക്കാർ തയ്യാറാകണം : K S C (M) ഇടുക്കി ജില്ലാ കമ്മിറ്റി

കട്ടപ്പന: കനേഡിയൻ സർക്കാരും ഇന്ത്യൻ സർക്കാരും തമ്മിലുള്ള നയ തന്ത്രബന്ധം വഷളായ സാഹചര്യത്തിൽ ഇന്ത്യൻ വിദ്യാർഥികളുടെ ആശങ്ക അകറ്റാൻ കേന്ദ്രസർക്കാർ തയ്യാറാകണമെന്ന് K S C ( M ) ഇടുക്കി ജില്ലാ കമ്മിറ്റി യോഗം ആവശ്യപ്പെട്ടു. വിദ്യാർത്ഥികളുടെ സുരക്ഷിതത്വം ഉറപ്പാക്കാനും , മാതാപിതാക്കളുടെ ആശങ്ക അകറ്റാനും സർക്കാർ തയ്യാറാകണം. കനേഡിയൻ പൗരന്മാരുടെ ഭാഗത്തുനിന്ന് ഇന്ത്യൻ വിദ്യാർഥികൾക്ക് നേരെ ആക്രമണങ്ങൾ ഒന്നുമുണ്ടാകുന്നില്ല എന്നും ഉറപ്പാക്കാനുള്ള ബാധ്യത സർക്കാരിന് ഉണ്ട് . പുതിയ സാഹചര്യത്തിൽ വിസക്കായി കാത്തിരിക്കുന്ന വിദ്യാർഥികളുടെ ആശങ്കകളും പരിഹരിക്കപ്പെടേണ്ടതാണ്. ഈ വിഷയങ്ങളിൽ കേന്ദ്രസർക്കാരിന്റെ അടിയന്തരശ്രദ്ധ ആവശ്യമാണെന്ന് യോഗത്തിൽ K S C ( M ) ഇടുക്കി ജില്ലാ പ്രസിഡണ്ട് ആകാശ് മാത്യു ഇടത്തിപറമ്പിൽ ആവശ്യപ്പെട്ടു. കേരള കോൺഗ്രസ് ( എം ) സംസ്ഥാന കമ്മിറ്റി അംഗം ജോസ് കുഴികണ്ടം , K S C ( M ) സംസ്ഥാന ജനറൽ സെക്രട്ടറി റോഷൻ ചുമപ്പുങ്കൽ, K S C ( M ) സംസ്ഥാന വൈസ് പ്രസിഡണ്ട് രഞ്ജിത കെ ആർ, സംസ്ഥാന സർഗ്ഗ വേദി കോഡിനേറ്റർ അഖിൽ ജോർജ്, ജില്ലാ ജനറൽ സെക്രട്ടറി ആസ്റ്റിൽ കുര്യാക്കോസ് , ജില്ലാ വൈസ് പ്രസിഡണ്ട് അലൻ പള്ളിവാതുകൾ തുടങ്ങിയവർ പ്രസംഗിച്ചു.