Idukki വാര്‍ത്തകള്‍കേരള ന്യൂസ്പ്രധാന വാര്‍ത്തകള്‍പ്രാദേശിക വാർത്തകൾ
ഇടുക്കി നെടുങ്കണ്ടം മുണ്ടിയെരുമയിൽ ഇരുപത്തിയൊന്നുകാരിയെ വീട്ടിൽ കയറി വെട്ടി. ലൈംഗികാതിക്രമം ചെറുത്തതോടെയാണ് വെട്ടേറ്റത്
പാമ്പാടുംപാറ സ്വദേശി വിജിത്തിനെ പോലീസ് കസ്റ്റഡിയിലെടുത്തു. ഇന്നലെ ഉച്ച കഴിഞ്ഞാണ് സംഭവം. ലഹരി ഉപയോഗിച്ച് എത്തിയ 22 കാരനായ പ്രതി യുവതിയുടെ വീട്ടിൽ അതിക്രമിച്ചു കടക്കുകയായിരുന്നു. യുവതി മാത്രമാണ് വീട്ടിൽ ഉണ്ടായിരുന്നത്.
ലൈംഗികമായി ദുരുപയോഗം ചെയ്യാൻ ശ്രമിക്കുന്നതിനിടയിൽ യുവതി കുതറി മാറി. ഇതോടെ പ്രതി വാക്കത്തി കൊണ്ട് വെട്ടുകയായിരുന്നു. കഴുത്തു ലക്ഷ്യമാക്കിയുള്ള വെട്ട് യുവതി തടഞ്ഞതോടെ കൈവിരലുകളിൽ വെട്ടേറ്റു. നെറ്റിയിലും പരിക്കുണ്ട്. പരിക്കേറ്റ് പുറത്തേക്ക് ഓടിയ യുവതിയെ നാട്ടുകാരാണ് രക്ഷപ്പെടുത്തിയത്. പ്രതി വിജിത്തിനെ നാട്ടുകാർ തടഞ്ഞുവച്ചു പോലീസിൽ ഏൽപ്പിക്കുകയായിരുന്നു. നെടുങ്കണ്ടം പൊലീസ് പ്രതിയെ കസ്റ്റഡിയിലെടുത്തു. യുവതി തേനി മെഡിക്കൽ കോളേജിൽ ചികിത്സയിലാണ്.
