‘വിജയം പ്രതീക്ഷിച്ചതാണ്, ചരിത്ര വിജയമായി മാറും’; രമേശ് ചെന്നിത്തല

തിരുവനന്തപുരം: പുതുപ്പള്ളി വോട്ടെണ്ണൽ പുരോ​ഗമിക്കവെ ലീഡ് ഉയർത്തിയിരിക്കുകയാണ് ചാണ്ടി ഉമ്മന്‍. ചാണ്ടി ഉമ്മൻ വിജയത്തിലേക്കടുക്കുമ്പോൾ സർക്കാരിനെതിരെയുള്ള അതിശക്തമായ താക്കീത് ആയിരിക്കും ജനവിധിയെന്നാണ് കോണ്‍ഗ്രസ് നേതാവ് രമേശ് ചെന്നിത്തല പറയുന്നത്.

ആഘോഷം നേരത്തെ തന്നെ തുടങ്ങിയെന്നും എല്ലാവരും ഒറ്റക്കെട്ടായി ആവേശത്തോടെ പ്രവർത്തിക്കുകയാണെന്നും ചെന്നിത്തല പറഞ്ഞു. വിജയം പ്രതീക്ഷിച്ചതാണ്. ചാണ്ടി ഉമ്മന്റേത് ചരിത്ര വിജയമായി മാറും. വ്യക്തിഹത്യ തിരഞ്ഞെടുപ്പിനെ ബാധിക്കില്ലെന്നും ചെന്നിത്തല കൂട്ടിച്ചേർത്തു.

നിലവിൽ 16,130നു മേൽ വോട്ടുകളുടെ ഭൂരിപക്ഷത്തിലാണ് ചാണ്ടി ഉമ്മൻ. അതേസമയം,17,302 വോട്ടുകളാണ് എൽഡിഎഫ് സ്ഥാനാർത്ഥി ജെയ്ക് സി തോമസ് നേടിയിരിക്കുന്നത്.