അടിമാലിയിൽ വൻ കഞ്ചാവ് വേട്ട; പിടികൂടിയ അന്യസംസ്ഥാന തൊഴിലാളി മുങ്ങി

അടിമാലിയിൽ വൻ കഞ്ചാവുവേട്ട. നാല് കിലോയിലധികം ഉണക്ക കഞ്ചാവുമായി അന്ന്യ സംസ്ഥാന തൊഴിലാളിയെ അടിമാലി നാര്‍ക്കോട്ടിക് എന്‍ഫോഴ്സ്മെന്റ് സംഘം പിടികൂടി . അടിമാലി നാര്‍ക്കോട്ടിക് എന്‍ഫോഴ്സ് മെന്റ് സ്ക്വാഡിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ അടിമാലി ടൗണില്‍ സര്‍ക്കാര്‍ ഹൈസ്‌ക്കൂള്‍ പരിസരത്ത് ദേശിയപാതയില്‍ നിന്നുമാണ് ഒഡീഷ സ്വദേശിയായ വിജയ ഗമാങ്കെയുടെ പക്കൽ നിന്നും നാലേകാൽ കിലോ കഞ്ചാവ് കണ്ടെടുത്തത്.
പ്രതിയെ കസ്റ്റഡിയില്‍ എടുത്ത് ഓഫീസില്‍ എത്തിച്ചെങ്കിലും ഉദ്യോഗസ്ഥരെ കബളിപ്പിച്ച് രക്ഷപ്പെട്ടു. ടോയിലറ്റിൽ പോയ പ്രതി ഉദ്യോഗസ്ഥരെ കബളിപ്പിച്ച് അതു വഴി രക്ഷപ്പെടുകയായിരുന്നു എന്നാണ് ഉദ്യോഗസ്ഥർ നൽകുന്ന വിവരം. രക്ഷപ്പെട്ട പ്രതിക്കായി അന്വേഷണം ഊർജിതമാക്കി. പ്രതിയെ കണ്ടെത്തുന്നതിനു വേണ്ടി നാർക്കോട്ടിക് സംഘം അടിമാലി പോലീസിലും പരാതി നൽകി.