Idukki വാര്‍ത്തകള്‍കേരള ന്യൂസ്പ്രധാന വാര്‍ത്തകള്‍പ്രാദേശിക വാർത്തകൾ
തൊടുപുഴയിൽ ലഹരിക്ക് അടിമയായ യുവാവ് പോലീസ് ജീപ്പ് അടിച്ചു തകർത്തു
തൊടുപുഴയിൽ ലഹരി തലയ്ക്കു പിടിച്ച യുവാവ് പോലീസ് ജീപ്പ് അടിച്ചു തകർത്തു. നഗരത്തിൽ വഴിയാത്രക്കാരെയും വാഹന ഡ്രൈവർമാർക്കും നേരെ ആക്രമണം നടത്തിയ ഇയാളെ പിടികൂടി.
പോലീസ് സ്റ്റേഷനിലും വൈദ്യപരിശോധനയ്ക്കായി ആശുപത്രിയിലും എത്തിച്ചപ്പോൾ അവിടെയും പരാക്രമം തുടർന്നു. മറയൂർ മൈക്കിൾനഗർ സ്വദേശി അരവിന്ദ് കുമാറാണ് (39) പോലീസ് പിടിയിലായത്.
നഗരത്തിൽ തിരക്കേറിയ ഗാന്ധി സ്ക്വയറിന് സമീപം ഇയാൾ ഗതാഗതം തടസപ്പെടുത്തുകയും വഴിയാത്രക്കാരെയും വാഹന ഡ്രൈവർമാരെയും അസഭ്യം വിളിച്ച് അക്രമിക്കുകയുമായിരുന്നു. വിവരമറിഞ്ഞ് തൊടുപുഴ സ്റ്റേഷനിൽ നിന്നും പോലീസ് സംഘം സ്ഥലത്തെത്തി ഇയാളെ കസ്റ്റഡിയിലെടുത്തു.
