സിംബാബ്വെ ക്രിക്കറ്റ് ഇതിഹാസം ഹീത്ത് സ്ട്രീക്ക് (49) അന്തരിച്ചു

അര്‍ബുദ ബാധിതനായി ചികില്‍സയിലായിരുന്നു. ബൗളിങ് ഓള്‍റൗണ്ടറായിരുന്ന സ്ട്രീക്ക് സിംബാബ്വെയ്ക്കായി 65 ടെസ്റ്റ് മല്‍സരങ്ങളും 189 ഏകദിനങ്ങളും കളിച്ചു. 4933 റണ്‍സും 455 വിക്കറ്റുകളും സ്വന്തമാക്കി. 16 തവണ നാല് വിക്കറ്റ് നേട്ടമടക്കം 216 വിക്കറ്റുകളാണ് ടെസ്റ്റ് ക്രിക്കറ്റില്‍ മാത്രം നേടിയത്. ടെസ്റ്റില്‍ 1000 റണ്‍സും 100 വിക്കറ്റും, ഏകദിനത്തില്‍ 2000 റണ്‍സും 200 വിക്കറ്റും നേടിയ ഏക സിംബാബ്വെ താരവും സ്ട്രീക്കാണ്. മേയ് മാസമാണ് സ്ട്രീക്ക് അര്‍ബുദത്തോട് പൊരുതുകയാണെന്ന് അദ്ദേഹത്തിന്റെ കുടുംബം വെളിപ്പെടുത്തിയത്.