കട്ടപ്പന താലൂക്ക് ആശുപത്രി ജീവനക്കാരെ കൈയ്യേറ്റം ചെയ്തെന്ന പരാതിയിൽ രണ്ട് പേർ അറസ്റ്റിൽ

കട്ടപ്പന താലൂക്ക് ആശുപത്രി ജീവനക്കാരെ കൈയ്യേറ്റം ചെയ്യുകയും, അസഭ്യം പറയുകയും ചെയ്തെന്ന പരാതിയിൽ രണ്ട് യുവാക്കളെ പൊലീസ് അറസ്റ്റ് ചെയ്തു. കട്ടപ്പന സ്വദേശികളായ ടിന്റോ ,ശ്രീരാഗ് എന്നിവരാണ് അറസ്റ്റിലായത്.കഴിഞ്ഞ ദിവസം രാത്രിയിലാണ് രോഗിയുടെ കൂടെയെത്തിയ ഇരുവരും കാലിലെ മുറിവ് ഡ്രസിംഗ് ചെയ്തത് ശരിയായിട്ടല്ല എന്നാരോപിച്ച് ക്യാഷ്വാലിറ്റിയിലുണ്ടായിരുന്ന ജീവനക്കാരെ കൈയ്യേറ്റം ചെയ്തത്. പ്രതികളെ കോടതിയിൽ ഹാജരാക്കി