ഇടുക്കിപ്രധാന വാര്‍ത്തകള്‍പ്രാദേശിക വാർത്തകൾ
വൃദ്ധനെ കല്ലു കൊണ്ടിടിച്ച്‌ കൊലപ്പെടുത്താന്‍ ശ്രമിച്ച പ്രതി പിടിയില്‍
ചെറുതോണി: വൃദ്ധനെ കല്ലു കൊണ്ടിടിച്ച്‌ കൊലപ്പെടുത്താൻ ശ്രമിച്ച പ്രതിയെ തങ്കമണി പൊലീസ് പിടികൂടി. കാമാക്ഷി സ്വദേശി അക്കരപ്പറമ്പില്‍ ബിജു ആന്റണിയാണ് (49) പൊലീസ് പിടിയിലായത്. അയല്‍വാസിയായ ഏത്തക്കാട്ട് മാത്യുവിനെയും (65) ഭാര്യയെയും ഇവരുടെ വീട്ടില്‍ കയറി ആക്രമിച്ച്‌ കൊലപ്പെടുത്താൻ ശ്രമിച്ച ശേഷം ഒളിവില്‍ കഴിയുമ്ബോഴാണ് ബിജുവിനെ പൊലീസ് അറസ്റ്റ് ചെയ്തത്. കഴിഞ്ഞ വ്യാഴാഴ്ചയാണ് ഇയാള്‍ മാത്യുവിനെയും ഭാര്യയെയും ആക്രമിച്ചത്. കല്ലു കൊണ്ടുള്ള ആക്രമണത്തില്‍ തലയ്ക്ക് ഗുരുതരമായി പരിക്കേറ്റ മാത്യു അത്യാസന്ന നിലയില്‍ കോട്ടയം മെഡിക്കല്‍ കോളേജില്‍ ചികിത്സയിലാണ്.
