പ്രധാന വാര്‍ത്തകള്‍പ്രാദേശിക വാർത്തകൾ
60 ലിറ്റര്‍ കോടയും വാറ്റുപകരണങ്ങളും പിടികൂടി
കട്ടപ്പന: വ്യാജമദ്യം നിര്‍മിക്കുന്നതിനായി തയറാക്കിയ അറുപത് ലിറ്റര്‍ കോട പിടികൂടി. എക്‌സൈസ് എന്‍ഫോഴ്‌സ്‌മെന്റ് ആന്റി നര്‍കോട്ടിക്‌സ് സ്‌പെഷ്യല്‍ സ്‌ക്വാഡിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് ഉപ്പുതറ കോതപാറ പൂ നില്‍ക്കും കാലായില്‍ ബിനോയി (40) പിടിയിലായത്. ഇയാള്‍ പതിവായി വ്യാജമദ്യവില്‍പനയില്‍ ഏര്‍പെട്ടിരുന്നതായും എക്‌സൈസിന്റെ വലയില്‍ നിന്ന് പല തവണ വഴുതി പോയിട്ടുള്ളതുമാണ്. സ്‌പെഷ്യല്‍ സ്‌ക്വാഡ് പ്രിവന്റീവ് ഓഫിസര്‍മാരായ എ.സി. നെബു, ഷാജി ജെയിംസ്, സി. ഇ.ഒ മാരായ വിഷ്ണു രാജ്, കെ.എം. സുരഭി, പി.കെ.ശശി എന്നിവരടങ്ങിയ സംഘമാണ് പ്രതിയെ പിടികൂടിയത്. പ്രതിയെ മെഡിക്കല്‍ പരിശോധനകള്‍ക്ക് ശേഷം പീരുമേട് റേഞ്ച് ഓഫിസിന് കൈമാറി. തുടര്‍ന്ന് മജിസ്‌ട്രേറ്റിന് മുമ്പില്‍ ഹാജരാക്കി റിമാന്റ് ചെയ്തു.
