പീരിമേട്പ്രധാന വാര്‍ത്തകള്‍പ്രാദേശിക വാർത്തകൾ
മോഷണക്കേസ് പ്രതിയുമായി പീരുമേട് സബ് ജയിലിലേക്ക് പോയ കട്ടപ്പന പൊലീസിന്‍റെ ജീപ്പ് അപകടത്തിൽപെട്ടു
മോഷണക്കേസ് പ്രതിയുമായി പീരുമേട് സബ് ജയിലിലേക്ക് പോയ കട്ടപ്പന പൊലീസിന്‍റെ ജീപ്പ് അപകടത്തിൽപെട്ടു. രാത്രി ഒൻപതോടെ കുട്ടിക്കാനത്തിന് സമീപത്താണ് ജീപ്പ് നിയന്ത്രണംവിട്ട് മറിഞ്ഞത്. കട്ടപ്പന നരിയംപാറ ക്ഷേത്രത്തിലെ മോഷണവുമായി ബന്ധപ്പെട്ട് പൊലീസ് പിടികൂടിയ പ്രതിയെ പീരുമേട് സബ് ജയിലിൽ എത്തിച്ച ശേഷം മടങ്ങുമ്പോഴായിരുന്നു അപകടം.
അപകടത്തിൽ പൊലീസ് ഉദ്യോഗസ്ഥരായ സുമേഷ് (35), ഷൈജു (41), പ്രതീക്ഷ് (40) എന്നിവർക്ക് നിസാര പരുക്കേറ്റു. ഇവരെ പീരുമേട് താലൂക്ക് ആശുപത്രിയിൽ പ്രവേശിപ്പിച്ചിട്ടുണ്ട്. വാഹനത്തിന് കേടുപാടുണ്ടായിട്ടുണ്ട്.
