നാട്ടുവാര്‍ത്തകള്‍
റോഷി അഗസ്റ്റിന്‍ ഇടപെട്ടു; രണ്ട് കുടുംബങ്ങളെ കട്ടപ്പന ഗസ്റ്റ്ഹൗസിലേക്ക് മാറ്റി
കട്ടപ്പന: വീടിന് സമീപത്തെ മരങ്ങള്‍ അപകടഭീഷണിയായതോടെ രണ്ട് കുടുംബങ്ങളെ കട്ടപ്പന ഗസ്റ്റ്ഹൗസിലേക്ക് മാറ്റി. കാവുംപടി തൊണ്ടിയാമ്മാക്കല്‍ ഡയാനയുടെയും സമീപത്ത് താമസിക്കുന്ന മകന്‍ സുരേഷിന്റെയും വീട് അപകടാവസ്ഥയിലായിരുന്നു. വെള്ളിയാഴ്ച രാത്രി 8.30 യോടെ മേട്ടുക്കുഴി കാവുംപടി മേഖലയില്‍ വീശിയടിച്ച കൊടുങ്കാറ്റില്‍ നിരവധി മരങ്ങള്‍ വീഴുകയും റോഡുകള്‍ തടസപ്പെടുകയും ചെയ്തിരുന്നു. ഇതിനെ തുടര്‍ന്ന് അഞ്ച് കുഞ്ഞുങ്ങളുമായ് വീട്ടില്‍ കഴിയാന്‍ ഭയന്ന വീട്ടുകാര്‍ റോഷി അഗസ്റ്റിന്‍ എം.എല്‍.എയെ വിവരമറിയിക്കുകയായിരുന്നു. തുടര്‍ന്ന് അദ്ദേഹം കലക്ടറുമായി ബന്ധപ്പെട്ട് ഇരു കുടുംബങ്ങളെയും കട്ടപ്പന ഗസ്റ്റ്ഹൗസിലേക്ക് മാറ്റി താമസിപ്പിക്കുകയും ചെയ്തു.
