ഭാരവാഹികളുടെ സ്ഥാനാരോഹണം
കട്ടപ്പന: ലയണ്‍സ് ക്ലബ് ഓഫ് കട്ടപ്പന ഗ്രീന്‍ സിറ്റിയുടെ 2023-2024 വര്‍ഷത്തെ ഭാരവാഹികളുടെ സ്ഥാനാരോഹണം 17ന് വൈകിട്ട് ആറിന് സോഗോസ് അര്‍ബന്‍ ഹൈറ്റ്‌സ് ഓഡിറ്റോറിയത്തില്‍ നടക്കും. ബിനോയ് വാലുമ്മേല്‍ പ്രസിഡന്റായും അഡ്വ.ജോര്‍ജ്ജ് വേഴമ്പത്തോട്ടം സെക്രട്ടറിയായും, ലൂക്ക ജോസഫ് ട്രഷററായും നേതൃത്വം നല്‍കുന്ന പുതിയ ഭാരവാഹികളാണ് സ്ഥാനാരോഹണം ചെയ്യപ്പെടുന്നത്. ചടങ്ങില്‍ ലയണ്‍സ് ഫസ്റ്റ് വൈസ് ഡിസ്ട്രിക്ട് ഗവര്‍ണര്‍ രാജന്‍ നമ്പൂതിരി 2023- 2024 വര്‍ഷത്തെ ഭാരവാഹികളുടെയും പുതിയ അംഗങ്ങളുടെയും സത്യപ്രതിജ്ഞയും, ഭവന രഹിത കുടുംബത്തിനായി ക്ലബ് നിര്‍മിച്ച് നല്‍കുന്ന സ്‌നേഹ ഭവനത്തിന്റെ താക്കോല്‍ ദാനവും നിര്‍വഹിക്കും.
ലയണ്‍സ് ഇന്റര്‍നാഷണലില്‍ നിന്നും മോഡല്‍ ക്ലബ്ബായി ഇടുക്കി ജില്ലയില്‍ നിന്നും ആദ്യമായി തെരഞ്ഞെടുക്കപ്പെട്ടതും ലയണ്‍സ് ക്ലബ് ഓഫ് കട്ടപ്പന ഗ്രീന്‍ സിറ്റിയാണ്. ക്ലബിനുള്ള സര്‍ട്ടിഫിക്കറ്റ് ചടങ്ങില്‍ ലയണ്‍സ് ചീഫ് മാര്‍ക്കറ്റിങ് ചെയര്‍പേഴ്‌സണ്‍ സാംസണ്‍ തോമസ് ക്ലബ്ബ് പ്രസിഡന്റിനു കൈമാറും. പഞ്ചാബില്‍ നടന്ന അഖിലേന്ത്യ ബോക്‌സിങ് ചാമ്പ്യന്‍ഷിപ്പില്‍ സ്വര്‍ണമെഡല്‍ ജേതാവായ ജില്‍സണ്‍ സെബാസ്റ്റ്യന് ഉസ്ബക്കിസ്ഥാനില്‍ വച്ചുനടത്തപ്പെടുന്ന ലോക ചാമ്പ്യന്‍ഷിപ്പില്‍ പങ്കെടുക്കുന്നതിലേക്ക് ക്ലബ് സ്‌പോണ്‍സര്‍ ചെയ്യുന്ന രണ്ടര ലക്ഷം രൂപ ചടങ്ങില്‍ കൈമാറും.
ഈ വര്‍ഷത്തെ ക്ലബിന്റെ സേവനപദ്ധതികളുടെയും നിര്‍ധന രോഗികള്‍ക്കുള്ള ചികിത്സാസഹായ പദ്ധതിയുടെയും നിര്‍ധന വിദ്യാര്‍ത്ഥികള്‍ക്കുള്ള പഠന സഹായ പദ്ധതികളുടെയും ഉത്ഘാടനവും നടത്തപ്പെടുമെന്ന് അഡ്വ. ജോര്‍ജ് വേഴമ്പത്തോട്ടം, ലൂക്ക ജോസഫ്, ബെന്നി, പ്രസാദ് എന്നിവര്‍ പറഞ്ഞു.
