പ്രധാന വാര്‍ത്തകള്‍പ്രാദേശിക വാർത്തകൾ
മന്ത്രിയുടെ പൈലറ്റ് വാഹനമിടിച്ച് ആംബുലന്‍സ് മറിഞ്ഞു; 3 പേര്‍ക്ക് പരുക്ക്
കൊല്ലം കൊട്ടാരക്കരയില്‍ വിദ്യാഭ്യാസ മന്ത്രി വി. ശിവന്‍കുട്ടിയുടെ പൈലറ്റ് വാഹനം ഇടിച്ച് ആംബുലന്‍സ് മറിഞ്ഞു. ആംബുലന്‍സിലുണ്ടായിരുന്ന രോഗിയടക്കം മൂന്നുപേര്‍ക്ക് പരുക്കേറ്റു. കൊട്ടാരക്കര പുലമണ്‍ ജംക്ഷനില്‍ വച്ചാണ് അപകടമുണ്ടായത്. പരുക്കേറ്റവരെ താലൂക്ക് ആശുപത്രിയില്‍ പ്രവേശിപ്പിച്ചു. ആബുലന്‍സ് ഡ്രൈവര്‍, രോഗി, രോഗിയോടൊപ്പമുണ്ടായിരുന്നയാള്‍ എന്നിവര്‍ക്കാണ് പരുക്കേറ്റത്. ആരുടെയും പരുക്ക് ഗുരുതരമല്ല.
