പൊയ്ക തീർത്ഥാടന പദയാത്രക്ക് കട്ടപ്പനയിൽ സ്വീകരണം നൽകി

പി ആർ ഡി എസ് സ്ഥാപക നേതാവും ആത്മീയ അചര്യനുമായ പൊയ്കയിൽ ശ്രീകുമാര ഗുരുദേവന്റ എൺപത്തി നാലാമത് ദേഹവിയോഗത്തോട് അനുബന്ധിച്ച് നടത്തുന്ന പദയാത്ര കല്ലാർ അചാര്യ ഭവനത്തിൽ നിന്നും പ്രത്യേക പ്രാർത്ഥനയോടെ രാവിലെ ആരംഭിച്ച യാത്ര11 മണിക്കാണ് കട്ടപ്പനയിൽ എത്തി ചേർന്നത്. കെ എസ് ഇ ബി ജംഗ്ഷനിൽ നടന്ന സ്വീകരണ യോഗം കട്ടപ്പന ബ്ലോക്ക് പഞ്ചായത്ത് പ്രസിഡന്റ് എം.ടി മനോജ് ഉദ്ഘാടനം ചെയ്തു.മേഖല ഉപദേഷ്ടാവ് പി. കെ രാജു അദ്ധ്യക്ഷനായിരുന്ന സ്വീകരണ യോഗത്തിൽ എസ് ജ്‌ഞാനസുന്ദരം മുഖ്യപ്രഭാഷണം നടത്തി.നഗരസഭ കൗൺസിലർമാരായ പ്രശാന്ത് രാജു , ബിനു കേശവൻ,നിഷമോൾ , ബി ജെ പി ജില്ല ജനറൽ സെക്രട്ടറി രതീഷ് വരകുമല,സുരേഷ് കുത്രപളളി ,എംആർ ശശി കെ പി രാജീവ് തുടങ്ങിയവർ പങ്കെടുത്തു സംസാരിച്ചു.