ജർമ്മനിയിൽ നടക്കുന്ന സ്പെഷ്യൽ ഒളിമ്പിക്സിൽ ബാസ്ക്കറ്റ് ബോളിൽ ഇന്ത്യയെ പ്രതിനിധീകരിച്ച് പങ്കെടുക്കുന്ന ഗോകുൽ ഗോപിയെ ആദരിച്ചു
2023 ജൂൺ 17 മുതൽ 25 വരെ ജർമ്മനിയിൽ നടക്കുന്ന സ്പെഷ്യൽ ഒളിമ്പിക്സിൽ ബാസ്ക്കറ്റ് ബോളിൽ ഇന്ത്യയെ പ്രതിനിധീകരിച്ച് സെലെക്ഷൻ ലഭിച്ച പരപ്പ് ചാവറ ഗിരി സിഎംഐ സ്പെഷ്യൽ സ്കൂളിലെ വിദ്യാർത്ഥി ഗോകുൽ ഗോപി, കോച്ച് ജയ്നമ്മ ജോയ് എന്നിവർക്കായുള്ള ആദരവും യാത്രയയപ്പും ചാവറ ഗിരി സ്കൂൾ ഓഡിറ്റോറിയത്തിൽ വച്ച് നടത്തപ്പെട്ടു. ജലവിഭവ വകുപ്പ് മന്ത്രി റോഷി അഗസ്റ്റിൻ അധ്യക്ഷത വഹിച്ച യോഗത്തിൽ അയ്യപ്പൻകോവിൽ ഗ്രാമപഞ്ചായത്ത് പ്രസിഡന്റ് ജയ്മോള്‍ ജോൺസൺ, ഉപ്പുതറ ഗ്രാമപഞ്ചായത്ത് പ്രസിഡന്റ് ജയിംസ് ജേക്കബ്,അയ്യപ്പൻ കോവിൽ ഗ്രാമപഞ്ചായത്ത് വൈസ് പ്രസിഡന്റ് ജോമോൻ വെട്ടിക്കാലായിൽ കേരള കോൺഗ്രസ്‌ പീരുമേട് നിയോജക മണ്ഡലം പ്രസിഡന്റ് ടോമി പകലോമറ്റം, എന്നിവർ പങ്കെടുത്തു.പ്രസ്തുത സമ്മേളനത്തിൽ ഇന്ത്യൻ ബാസ്കറ്റ് ബോൾ തരമായ ഗോകുൽ ഗോപിയെയും ഇന്ത്യൻ ടീമിനെ അനുഗമിക്കുന്നതിനായി കേരളത്തിൽ നിന്നും തിരഞ്ഞെടുക്കപ്പെട്ട ചാവാറാഗിരിയുടെ സ്വന്തം കോച്ച് ജയ്നമ്മ ജോയിയെയും റോഷി ആഗസ്റ്റിൻ പൊന്നാടയണിയിച്ച് ആദരിച്ചു.
