ഹൈറേഞ്ച് എന്‍എസ്എസ് യൂണിയന്റെ ആഭിമുഖ്യത്തില്‍ നേതൃത്വ പരിശീലന പരിപാടി, സംഘടിപ്പിച്ചു
ഹൈറേഞ്ച് എന്‍എസ്എസ് യൂണിയന്റെ ആഭിമുഖ്യത്തില്‍ നേതൃത്വ പരിശീലന പരിപാടി, സംഘടിപ്പിച്ചു. കരയോഗ, വനിതാ സമാജ, സ്വാശ്രയ സംഘം ഭാരവാഹികള്‍ക്കായാണ് പരിശീലനം സംഘടിപ്പിച്ചത്.
ഹൈറേഞ്ചിലെ നായര്‍ സമുദായ അംഗങ്ങളുടെ ഉന്നമനം ലക്ഷ്യം വെച്ചാണ് ഉണര്‍വ്വ് 2023 എന്ന പേരില്‍ പരിശീലന പരിപാടി ഒരുക്കിയത്. ഒരു കരയോഗം ഒരു സംരംഭം എന്ന പദ്ധതി, ഹൈറേഞ്ചില്‍ പ്രാവര്‍ത്തികമാക്കാന്‍ ഒരുങ്ങുകയാണ് എന്‍എസ്എസ്. തൂശനില, പത്മാ കഫേ പദ്ധതികളിലൂടെയും തൊഴിലവസരങ്ങള്‍ സൃഷ്ടിയ്ക്കും. പരിശീലന പരിപാടിയുടെ ഉത്ഘാടനം എന്‍എസ്എസ് അസി രജിസ്ട്രാര്‍ വി ഉണ്ണികൃഷ്ണന്‍ നിര്‍വ്വഹിച്ചു. ഹൈറേഞ്ച് എന്‍എസ്എസ് യൂണിയന്‍ ചെയര്‍മാന്‍ കെ.എസ് അനില്‍കുമാര്‍ അദ്ധ്യക്ഷത വഹിച്ച യോഗത്തില്‍ സംഘങ്ങള്‍ക്കുള്ള വായ്പാ വിതരണ പദ്ധതിയുട ഉത്ഘാടനം എന്‍എസ്എസ് സോഷ്യല്‍ സര്‍വ്വീസ് ഡിപ്പാര്‍ട്ട്‌മെന്റ് മേധാവി വി.വി ശശിധരന്‍നായര്‍ നിര്‍വ്വഹിച്ചു. ചേര്‍ത്തല യൂണിയന്‍ സെക്രട്ടറി ബി ഗോപാലകൃഷ്ണന്‍നായര്‍, ഹൈറേഞ്ച് യൂണിയന്‍ സെക്രട്ടറി പി.റ്റി അജയന്‍നായര്‍, കെ.കെ രവീന്ദ്രന്‍ നായര്‍, പി.സി സന്തോഷ് കുമാര്‍, റ്റി. ആര്‍ അനില്‍കുമാര്‍, അനുരാഗ് ജി. അരുണ്‍ അരവിന്ദ്, കെ.എസ് ഭാസിപിള്ള തുടങ്ങിയവര്‍ പ്രസംഗിച്ചു.
