ബിനു ജോണ്‍ ഇലവുംമൂട്ടില്‍ കേരള കര്‍ഷക യൂണിയന്‍ ഇടുക്കി ജില്ലാ പ്രസിഡന്‍റ്
ചെറുതോണി: കേരള കര്‍ഷക യൂണിയന്‍ ഇടുക്കി ജില്ലാ പ്രസിഡന്‍റായി ബിനു ജോണ്‍ ഇലവുംമൂട്ടില്‍ അണക്കര തെരഞ്ഞെടുക്കപ്പെട്ടു.
ജില്ലാ പ്രസിഡന്‍റായിരുന്ന ബാബു കീച്ചേരില്‍, അടിമാലി കേരള കോണ്‍ഗ്രസ് ദേവികുളം നിയോജകമണ്ഡലം പ്രസിഡന്‍റായി തെരഞ്ഞെടുക്കപ്പെട്ടതിനെ തുടര്‍ന്നാണ് പുതിയ പ്രസിഡന്‍റായി ബിനു ജോണിനെ കേരള കോണ്‍ഗ്രസ് ജില്ലാ കമ്മറ്റി യോഗം തെരഞ്ഞെടുത്തത്.
നെടുങ്കണ്ടം എം.ഇ.എസ് കോളേജ് കെ.എസ്.സി യൂണിറ്റ് പ്രസിഡന്‍റ്, യൂത്ത് ഫ്രണ്ട് മണ്ഡലം പ്രസിഡന്‍റ്, ജില്ലാ വൈസ് പ്രസിഡന്‍റ്, സംസ്ഥാന കമ്മറ്റിയംഗം, കേരളാ കോണ്‍ഗ്രസ് ചക്കുപള്ളം മണ്ഡലം പ്രസിഡന്‍റ്, പീരുമേട് നിയോജക മണ്ഡലം പ്രസിഡന്‍റ്, സംസ്ഥാന സ്റ്റിയറിംഗ് കമ്മറ്റിയംഗം, ജില്ലാ സെക്രട്ടറി തുടങ്ങിയ സ്ഥാനങ്ങളില്‍ പ്രവര്‍ത്തിച്ചിട്ടുള്ള ബിനു കഴിഞ്ഞ 2 വര്‍ഷമായി കര്‍ഷക യൂണിയന്‍ സംസ്ഥാന സെക്രട്ടറിയായി പ്രവര്‍ത്തിച്ചു വരികയായിരുന്നു. സ്റ്റെഡ് (ടഠഋഉ) ചെയര്‍മാന്‍, എസ്.എച്ച്.ജി, ജെ.എല്‍.ജി. കോ-ഓര്‍ഡിനേറ്റര്‍ തുടങ്ങിയ വിവിധ സാമൂഹ്യ – സാംസ്കാരിക രംഗങ്ങളില്‍ പ്രവര്‍ത്തിച്ചുവരുന്ന ബിനു നല്ല ഒരു കര്‍ഷകന്‍ കൂടിയാണ്.
ചെറുതോണി പാര്‍ട്ടി ഓഫീസില്‍ കൂടിയ യോഗത്തില്‍ ജില്ലാ പ്രസിഡന്‍റ് പ്രൊഫ: എം.ജെ.ജേക്കബ് അദ്ധ്യക്ഷത വഹിച്ചു. സംസ്ഥാന ഉന്നതാധികാരസമിതിയംഗങ്ങളായ അഡ്വ: ജോസഫ് ജോണ്‍, അഡ്വ: ജോസി ജേക്കബ്, വനിതാകോണ്‍ഗ്രസ് സംസ്ഥാന പ്രസിഡന്‍റ് പ്രൊഫ: ഷീല സ്റ്റീഫന്‍, കര്‍ഷകയൂണിയന്‍ സംസ്ഥാന പ്രസിഡന്‍റ് വര്‍ഗീസ് വെട്ടിയാങ്കല്‍, പാര്‍ട്ടി സംസ്ഥാന സെക്രട്ടറി നോബിള്‍ ജോസഫ്, പാര്‍ട്ടി നിയോജകമണ്ഡലം പ്രസിഡന്‍റുമാരായ ജോയി കൊച്ചുകരോട്ട്, ബിജു പോള്‍, ജോജി ഇടപ്പള്ളിക്കുന്നേല്‍, ജില്ലാ ഭാരവാഹികളായ എം.ജെ.കുര്യന്‍, ടോമിച്ചന്‍ പി.മുണ്ടുപാലം, സാബു വേങ്ങവയലില്‍, ഷൈന്‍ വടക്കേക്കര, ലത്തീഫ് ഇല്ലിക്കല്‍, കെ.കെ.വിജയന്‍, ബെന്നി പുതുപ്പാടി, മാത്യൂസ് തെങ്ങുംകുടി, ജില്ലാ പഞ്ചായത്ത് മെമ്പര്‍മാരായ ഷൈനി സജി, സി.വി.സുനിത, ഷൈനി റെജി, പാര്‍ട്ടി സംസ്ഥാന കമ്മറ്റിയംഗങ്ങളായ ജോസ് പൊട്ടംപ്ലാക്കല്‍, മാത്യു ജോണ്‍, ബ്ലെയ്സ് ജി. വാഴയില്‍, പി.വി.അഗസ്റ്റ്യന്‍, സണ്ണി കളപ്പുര, യൂത്ത്ഫ്രണ്ട് ജില്ലാ പ്രസിഡന്‍റ് അഡ്വ: എബി തോമസ്, കര്‍ഷകയൂണിയന്‍ സംസ്ഥാന സെക്രട്ടറി സണ്ണി തെങ്ങുംപിള്ളില്‍, പാര്‍ട്ടി നേതാക്കളായ എം.റ്റി.ജോണി, ജോയി കുടുക്കച്ചിറ, ചെറിയാന്‍ പി.ജോസഫ്, ടോമി ജോസഫ്, സി.എസ്.ആമോസ്, ജോസ് മോടിക്കപ്പുത്തന്‍പുര, ലൂക്കാച്ചന്‍ മൈലാടൂര്‍, ബേബിച്ചന്‍ തുരുത്തിയില്‍, തോമസ് പുളിമൂട്ടില്‍, പി.ജി. പ്രകാശന്‍, ബിബിന്‍ അബ്രഹാം, അഭിലാഷ് പി.ജോസഫ്, ജോയി ജോസഫ്, ടി.എം.ജോര്‍ജ്ജ്, സണ്ണി ജോണ്‍, ജോണി തോമസ് തുടങ്ങിയവര്‍ പ്രസംഗിച്ചു. ജില്ലാ പ്രസിഡന്‍റ് ബിനുജോണ്‍ കൃതജ്ഞത രേഖപ്പെടുത്തി.
