കുമരകത്ത് തീപിടിത്തം, ചൈനയിൽ നിന്ന് കൊണ്ടുവന്ന തടി ഉപയോഗിച്ച് നിർമ്മിച്ച വില്ല പൂർണമായി കത്തി നശിച്ചു

കുമരകം: പള്ളിച്ചിറയ്ക്ക് സമീപമുണ്ടായ തീപിടിത്തത്തില്‍ തടികൊണ്ടു നിര്‍‌മ്മിച്ച വീട് പൂര്‍ണമായി കത്തി നശിച്ചു.ശനിയാഴ്ച രാത്രിയാണ് തീപിടിത്തമുണ്ടായതയ്. അഗ്നിരക്ഷാ സേനയുടെ അഞ്ചു യുണീറ്റുകള്‍ എത്തിയാണ് തീയണച്ചത്. സമീപത്തുണ്ടായിരുന്ന മറ്റ് മൂന്ന് വില്ലകളിലേക്കു പടരാതിരുന്നതിനാല്‍ ഒഴിവായത് വന്‍ ദുരന്തം.

ഒരു കോടിയിലേറെ രൂപ ചെലവഴിച്ചു നിര്‍മിച്ച വില്ല പൂര്‍ണമായും നശിച്ചു. ആള്‍പ്പാര്‍പ്പില്ലാത്തതിനാല്‍ മറ്റ് അപകടങ്ങള്‍ ഉണ്ടായില്ല. ചൈന, മലേഷ്യ എന്നിവിടങ്ങളില്‍ നിന്നു പണിതു കൊണ്ടു വന്ന തടി ഉപയോഗിച്ചായിരുന്നു വില്ലയുടെ നിര്‍മാണം. ആദ്യ ഘട്ടത്തില്‍ ചൈനയില്‍ നിന്ന് പണിക്കാര്‍ എത്തിയിരുന്നു.