പ്രധാന വാര്‍ത്തകള്‍
കോട്ടയ്ക്കലില്‍ കിണര്‍ ഇടിഞ്ഞു; 2 പേർ കുടുങ്ങി, രക്ഷാപ്രവർത്തനം തുടരുന്നു
മലപ്പുറം: കോട്ടയ്ക്കലിൽ നിർമാണത്തിലിരുന്ന കിണർ ഇടിഞ്ഞു. എടരിക്കോട് സ്വദേശികളായ രണ്ട് തൊഴിലാളികൾ കുടുങ്ങിക്കിടക്കുകയാണ്. രക്ഷാപ്രവർത്തനം പുരോഗമിക്കുകയാണ്. കിണർ വീണ്ടും ഇടിയുന്നത് ആശങ്കയുണ്ടാക്കുന്നുണ്ട്.
വീടിനോട് ചേര്‍ന്ന് പണി നടക്കുന്ന കിണറാണ് ഇടിഞ്ഞത്. ജോലിക്കെത്തിയ തൊഴിലാളികൾ കിണറ്റിലേക്ക് ഇറങ്ങുമ്പോഴാണ് വശങ്ങളിലെ മണ്ണിടിഞ്ഞത്. നാട്ടുകാർ ഉടൻ ഓടിയെത്തി ഇരുവരെയും രക്ഷപ്പെടുത്താൻ ശ്രമിച്ചെങ്കിലും കഴിഞ്ഞില്ല.
അഗ്നിശമന സേനയുടെ രണ്ട് യൂണിറ്റുകൾ സ്ഥലത്തെത്തി രക്ഷാപ്രവർത്തനം തുടരുകയാണ്. ഒരാൾ പൂർണ്ണമായും മണ്ണിനടിയിലാണെന്നാണ് കരുതുന്നത്.
