പ്രധാന വാര്‍ത്തകള്‍
ഇസ്രയേലില്‍ 6 മലയാളി തീര്‍ഥാടകർ അപ്രത്യക്ഷരായി; കാണാതായവരിൽ സ്ത്രീകളും
തിരുവനന്തപുരം: ഇസ്രയേലിലെത്തിയ തീർഥാടക സംഘത്തിൽ നിന്ന് 6 പേരെ കാണാതായതായി റിപ്പോർട്ട്. യാത്രയ്ക്ക് നേതൃത്വം നൽകിയ നാലാഞ്ചിറയിലുള്ള വൈദികൻ സംസ്ഥാന പോലീസ് മേധാവി അനിൽകാന്തിന് പരാതി നൽകി. ഈ മാസം എട്ടാം തീയതി കേരളത്തില്‍ നിന്നു തിരിച്ച 26 അംഗ സംഘത്തിലെ 5 സ്ത്രീകൾ ഉൾപ്പെടെ ആറ് പേരെയാണ് കാണാതായത്.
പാസ്പോർട്ട് ഉൾപ്പെടെയുള്ള രേഖകൾ ഉപേക്ഷിച്ചാണ് ഇവർ അപ്രത്യക്ഷരായത്.
ഇസ്രയേലില്‍ കൃഷി പഠിക്കാന്‍ പോയ സര്‍ക്കാരിൻ്റെ ഔദ്യോഗിക സംഘത്തിൽ നിന്ന് ഒരു കർഷകനെ കാണാതായത് വലിയ ചർച്ചയായിരുന്നു.
2006 മുതൽ ഈ പുരോഹിതൻ വിശുദ്ധ നാട്ടിലേക്ക് തീര്‍ഥാടകയാത്രകള നടത്തി വരുകയാണ്. തിരുവല്ല കേന്ദ്രമായുള്ള ട്രാവൽ ഏജൻസി വഴിയാണ് ഇത്തവണ യാത്ര സംഘടിപ്പിച്ചത്. ഈജിപ്ത്, ഇസ്രായേൽ, ജോർദാൻ എന്നിവിടങ്ങളിലേക്കായിരുന്നു യാത്ര സംഘടിപ്പിച്ചത്.
