വധുവിനെ ആവശ്യമുണ്ട്; പോസ്റ്ററുമായി റോഡിലിറങ്ങി യുവാവ്

മധ്യപ്രദേശ്: മധ്യപ്രദേശിലെ തിരക്കേറിയ മാർക്കറ്റിൽ വധുവിനെ ആവശ്യമുണ്ടെന്ന പോസ്റ്റർ കൈയിൽ പിടിച്ച് നിൽക്കുന്ന യുവാവിൻ്റെ ദൃശ്യങ്ങളാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്. 

ഇന്ത്യയിൽ അറേഞ്ച്ഡ് വിവാ​ഹങ്ങൾ പലപ്പോഴും ധാരാളം ഘടകങ്ങളെ ആശ്രയിച്ചാണ് നടത്തുന്നത്. അനുയോജ്യമായ കുടുംബമാണോ? പണം, വിദ്യാഭ്യാസം, സ്വത്ത് തുടങ്ങി ഒട്ടനവധി കാര്യങ്ങൾക്ക് മുൻ‌തൂക്കം നൽകിയാണ് കൂടുതൽ വിവാഹങ്ങളും നടത്തുന്നത്. അതുപോലെ നിരവധി മാട്രിമോണിയൽ സൈറ്റുകളും ഇന്ന് നിലവിലുണ്ട്. 

എന്നിരുന്നാലും, മധ്യപ്രദേശിലെ ചിന്ത്വാരയിൽ നിന്നുള്ള ഈ മനുഷ്യനെ സംബന്ധിച്ചിടത്തോളം,അത്തരത്തിലുള്ള വിവാഹം തരപ്പെട്ടില്ലെന്നു തോന്നുന്നു. അതിനാലാവാം എങ്ങനെയെങ്കിലും അനുയോജ്യയായ ഒരു വധുവിനെ കണ്ടെത്തുക എന്ന ലക്ഷ്യത്തോടെ തിരക്കേറിയ മാർക്കറ്റ് റോഡിൽ വധുവിനെ വേണമെന്ന പോസ്റ്റർ പിടിച്ച് യുവാവ് നിന്നത്.