പുതിയ ക്രിക്കറ്റ് സ്റ്റേഡിയമൊരുക്കാന്‍ കെസിഎ; ഭൂമി വാങ്ങാനായുള്ള ശ്രമങ്ങള്‍ തുടങ്ങി

കൊച്ചി: കൊച്ചിയിൽ പുതിയ ക്രിക്കറ്റ് സ്റ്റേഡിയം സ്ഥാപിക്കാൻ കേരള ക്രിക്കറ്റ് അസോസിയേഷൻ (കെസിഎ). ഇതിനായി സ്ഥലം വാങ്ങാനുള്ള ശ്രമം അസോസിയേഷൻ ആരംഭിച്ചു. ഭൂമി വാങ്ങുന്നതിനായി കെ.സി.എ പത്രപരസ്യം നൽകി. അന്താരാഷ്ട്ര നിലവാരത്തിലുള്ള സ്റ്റേഡിയം നിർമ്മിക്കാനാണ് കെസിഎ ശ്രമിക്കുന്നത്.

20 മുതൽ 30 ഏക്കർ വരെ ഭൂമി ഏറ്റെടുക്കാനാണ് കെസിഎയുടെ ശ്രമം. സ്ഥലം നൽകാൻ താൽപ്പര്യമുള്ളവർക്ക് തിരുവനന്തപുരത്തെ കെസിഎ ഓഫീസുമായി ബന്ധപ്പെടാം.

കേരളത്തിൽ അന്താരാഷ്ട്ര സ്റ്റേഡിയം നിർമ്മിക്കുകയാണ് കെസിഎയുടെ ലക്ഷ്യം. നിലവിൽ തിരുവനന്തപുരം ഗ്രീൻഫീൽഡ് സ്റ്റേഡിയത്തിൽ മാത്രമാണ് കേരളത്തിൽ അന്താരാഷ്ട്ര മത്സരങ്ങൾ നടക്കുന്നത്. എന്നാൽ ഇത് കേരള സർവകലാശാലയുടെ കൈവശമാണുള്ളത്. ഈ സ്റ്റേഡിയം കരാറിൽ എടുത്താണ് കെസിഎ മത്സരങ്ങൾ സംഘടിപ്പിക്കുന്നത്.