ഇടുക്കിയിൽ ചാരായവുമായി ഒരാൾ പോലീസ് പിടിയിലായി. ഉപ്പുതറ മേരികുളം സ്വദേശിയായ കുന്നുംപുറത്ത് ചന്ദ്രൻ കുട്ടിയെയാണ് 4.5 ലിറ്റർ ചാരായവുമായി പോലീസ് അറസ്റ്റ് ചെയ്തത്

ഇടുക്കിയിൽ ചാരായവുമായി ഒരാൾ പോലീസ് പിടിയിലായി. ഉപ്പുതറ മേരികുളം സ്വദേശിയായ കുന്നുംപുറത്ത് ചന്ദ്രൻ കുട്ടിയെയാണ് 4.5 ലിറ്റർ ചാരായവുമായി പോലീസ് അറസ്റ്റ് ചെയ്തത്.ഉപ്പുതറയ്ക്ക് സമീപം പുല്ല്മേട്ടിൽ വ്യാജ വാറ്റ് നടക്കുന്നുവെന്ന രഹസ്യ വിവരത്തെ തുടർന്ന് ഉപ്പുതറ പോലീസ് നടത്തിയ റെയ്ഡിലാണ് ചന്ദ്രൻ കുട്ടിയെ അറസ്റ്റ് ചെയ്തത്. കുപ്പിയിൽ നിറച്ച 3 ലിറ്റർ ചാരായവും കന്നാസിൽ 1.5 ലിറ്റർ ചാരായവും വാറ്റുപകരണങ്ങളും പോലീസ് പിടിച്ചെടുത്തു.നാളുകളായി വ്യാജചാരായം നിർമ്മിച്ച് വില്പന നടത്തി വന്നയാളാണ് ചന്ദ്രൻ കുട്ടി.പ്രതി വ്യാജമദ്യം നിർമ്മിക്കുന്നുവെന്ന വിവരത്തെ തുടർന്ന് മുൻപ് പലതവണ റെയിഡ് നടത്തിയിരുന്നുവെങ്കിലും തെളിവുകൾ ഒന്നും ലഭിച്ചിരുന്നില്ല. ചാരായം വിറ്റതിന് മുൻപ് ശിക്ഷ അനുഭവിച്ചിട്ടുള്ളയാളാണ് ചന്ദ്രൻകുട്ടി .