പുതുവർഷത്തിലെ ആദ്യ മത്സരത്തിൽ വിജയത്തിളക്കവുമായി കേരള ബ്ലാസ്റ്റേഴ്സ്

കൊച്ചി: പുതുവർഷത്തിലെ ആദ്യ മത്സരത്തിൽ കേരള ബ്ലാസ്റ്റേഴ്സിന് ജയം. കേരള ബ്ലാസ്റ്റേഴ്സ് 3-1ന് ജംഷഡ്പൂർ എഫ്സിയെ തോൽപ്പിച്ചു. ഈ ജയത്തോടെ ബ്ലാസ്റ്റേഴ്സ് പോയിന്‍റ് പട്ടികയിൽ മൂന്നാം സ്ഥാനത്തേക്ക് വീണ്ടും മുന്നേറി.

കൊച്ചിയിൽ നടന്ന മത്സരത്തിന്‍റെ 9-ാം മിനിറ്റിൽ ബ്ലാസ്റ്റേഴ്സ് ലീഡ് നേടി. അപ്പസ്തോലോസ് ജിയാനുവിന്‍റെ ഉജ്ജ്വലമായ ബാക്ക് ഹീൽ ഷോട്ടായിരുന്നു ആദ്യ ഗോളായി മാറിയത്. ദിമിത്രിയോസ് ഡയമെന്‍റക്കോസാണ് ഗോൾ നേടാൻ വഴിയൊരുക്കിയത്.

18-ാം മിനിറ്റിൽ ജംഷഡ്പൂരിനു വേണ്ടി ഡാനിയൽ ചിമ ഒരു ഗോൾ സ്വന്തമാക്കി. മത്സരത്തിന്‍റെ 31-ാം മിനിറ്റിൽ ഡയമന്റക്കോസിന്റെ പെനൽറ്റിയിലൂടെ ബ്ലാസ്റ്റേഴ്സ് ലീഡ് തിരിച്ചു പിടിച്ചു. 65-ആം മിനുട്ടിൽ അഡ്രിയൻ ലൂണ ബ്ലാസ്റ്റേഴ്സിനായി മൂന്നാം ഗോൾ നേടി.