പ്രധാന വാര്‍ത്തകള്‍
ജനുവരിയില്‍ കൊവിഡ് കേസുകളില്‍ വര്‍ധനയ്ക്ക് സാധ്യതയെന്ന് ആരോഗ്യമന്ത്രാലയം
ജനുവരിയില്‍ ഇന്ത്യയില്‍ കൊവിഡ് കേസുകളില്‍ വര്‍ദ്ധനവ് ഉണ്ടാകാന്‍ സാധ്യത ഉണ്ടെന്ന് കേന്ദ്ര ആരോഗ്യമന്ത്രാലയം.
അടുത്ത 40 ദിവസങ്ങള്‍ നിര്‍ണ്ണായകമാണെന്നും മുതിര്‍ന്ന ആരോഗ്യമന്ത്രാലയ ഉദ്യോഗസ്ഥന്‍ അറിയിച്ചു. വീണ്ടുമൊരു കൊവിഡ് തരംഗത്തിന് സാധ്യതയുണ്ട്. ഒമിക്രോണ്‍ സബ് വേരിയന്റ് ആയ ബിഎഫ് 7 വൈറസ് ആണ് പടര്‍ന്നേക്കുകയെന്നും ഉദ്യോഗസ്ഥന്‍ ചൂണ്ടിക്കാട്ടി.
‘കിഴക്കന്‍ ഏഷ്യയില്‍ എത്തി, ഏകദേശം 3035 ദിവസങ്ങള്‍ക്ക് ശേഷം കൊവിഡ് 19ന്റെ പുതിയ തരംഗം ഇന്ത്യയില്‍ എത്തിയതായി മുന്‍പേ തന്നെ റിപ്പോര്‍ട്ട് ചെയ്തിരുന്നു. വ്യാപനമുണ്ടാക്കുന്ന ആഘാതം വലുതായിരിക്കില്ല. തരംഗം ഉണ്ടായാല്‍ തന്നെ മരണ നിരക്ക് വളരെ കുറവായിരിക്കും. ആശുപത്രി ചികിത്സയും മുന്‍പത്തേത് പോലെ വേണ്ടി വരില്ല,’ ഉദ്യോഗസ്ഥന്‍ വ്യക്തമാക്കി.
