പ്രധാന വാര്‍ത്തകള്‍
ഉടുമ്ബന്നൂര്‍ സ്വദേശിയായ യുവാവില്‍ നിന്ന് 21 ലക്ഷം രൂപ തട്ടിയെടുത്ത കേസില്‍ തമിഴ്‌നാട് സ്വദേശി പിടിയില്‍
തൊടുപുഴ: ഉടുമ്ബന്നൂര്‍ സ്വദേശിയായ യുവാവില്‍ നിന്ന് 21 ലക്ഷം രൂപ തട്ടിയെടുത്ത കേസില്‍ തമിഴ്‌നാട് സ്വദേശി പിടിയില്‍.കോയമ്ബത്തൂര്‍ വടവള്ളി സ്വദേശി പ്രഭാകറിനെയാണ് (52) കരിമണ്ണൂര്‍ എസ്.എച്ച്‌.ഒ സുമേഷ് സുധാകറിന്റെ നിര്‍ദേശപ്രകാരം അറസ്റ്റു ചെയ്തത്. പേപ്പര്‍ കപ്പുകളും സാനിറ്ററി പേപ്പറും നിര്‍മിക്കുന്ന യന്ത്രം നല്‍കാമെന്ന് പറഞ്ഞാണ് പണം തട്ടിയെടുത്തത്. കോയമ്ബത്തൂരില്‍ സാപ്പ് പേപ്പര്‍ ടെക്‌നിക് എന്ന സ്ഥാപനത്തിന്റെ മാനേജരാണ് പ്രഭാകര്‍. സ്ഥാപനത്തിന്റെ ഉടമയും ഇയാളുടെ ഭാര്യയുമായ പ്രേമലത ഒളിവിലാണെന്ന് പൊലീസ് പറഞ്ഞു.എസ്.ഐ പി.എന്‍. ദിനേശ്, എ.എസ്.ഐ രാജേഷ്, സീനിയര്‍ സിവില്‍ പൊലീസ് ഓഫീസര്‍മാരായ എം.ആര്‍. അജീഷ്, മനു ബേബി എന്നിവരടങ്ങിയ സംഘം കോയമ്ബത്തൂര്‍ പൊലീസിന്റെ സഹായത്തോടെയാണ് പ്രതിയെ പിടികൂടിയത്. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.
