വോട്ട് ചെയ്യാൻ യു.കെയിൽ നിന്നും പറന്നെത്തി; ജനാധിപത്യ പ്രക്രീയയിൽ പങ്കാളിയായി പൂജ ബാബു

കട്ടപ്പന: ജനാധിപത്യ പ്രക്രീയയിൽ പങ്കാളിയാകാൻ പൂജ എത്തിയത് യു.കെയിൽ നിന്ന്. കട്ടപ്പന തൊട്ടിയിൽ ബാബുവിന്റെയും സൂസമ്മയുടെയും മകളായ പൂജ യു.കെയിൽ എം.ടെക് എൻഞ്ചിനിയറാണ്. വോട്ടവകാശം പാഴാക്കിക്കളയാനാകില്ലെന്ന ഉറച്ച തീരുമാനത്തിലാണ് പൂജ 15 ദിവസങ്ങൾക്ക് മുൻപ് മെക്കാനിക്കൽ എൻഞ്ചിനിയറായ ഭർത്താവ് ജെയിംസിനൊപ്പം എറണാകുളത്തെത്തിയത്. ക്വാറന്റൈന് ശേഷം കട്ടപ്പന ടൗൺഹാളിലെ പോളിങ് സ്റ്റേഷനിൽ ഇന്ന് വൈകിട്ട് ആറേകാലോടെ പൂജ തന്റെ സമ്മതിദാന അവകാശം രേഖപ്പെടുത്തി.അടുത്ത ദിവസം തന്നെ പൂജ യു.കെയിലേക്ക് തിരികെ പറക്കും.