ഇലക്ഷൻ സ്പെഷ്യൽ ഡ്രൈവ്;കോടയും ചാരായവും പിടികൂടി

ഇടുക്കി: ഇലക്ഷൻ സ്പെഷ്യൽ ഡ്രൈവിനോടനുബന്ധിച്ച് നടത്തിയ പരിശോധനയിൽ കോടയും വാറ്റുചാരായവും പിടികൂടി. പീരുമേട് എക്‌സൈസ് റേഞ്ച് ഇൻസ്‌പെക്ടർ
ജി.ബിനുഗോപാലിന്റെ നേതൃത്വത്തിൽ കണയങ്കവയൽ,
പാഞ്ചാലിമേട്, പുറക്കയം എന്നിവിടങ്ങളിൽ നടത്തിയ പരിശോധനയിലാണ് പാഞ്ചാലിമേട് നിന്നും കൊമ്പൻപാറ സെറ്റിൽമെന്റിലേക്കുള്ള റോഡ് പുറമ്പോക്കിലെ കുറ്റിക്കാടുകൾക്കിടയിൽ നിന്നും ഒരു ലിറ്റർ വാറ്റുചാരായവും 200 ലിറ്റർ കോടയും കണ്ടെടുത്തത്. പ്രിവന്റിവ് ഓഫിസർമാരായ ബാബു, ടി.സബിൻ, സി.ഇ. ഒമാരായ അജേഷ്കുമാർ , രാജീവ്‌ ഭാസ്കർ എന്നിവരും റെയ്ഡിൽ പങ്കെടുത്തു.